Kalitanacitika Pobwe Lyakwiindilila lyamu 32 C.E., Jesu wakacita maleele alo aakalembwa abalembi boonse bone bamabbuku aa Makani Mabotu.

Kwiinda mumaleele aaya, Jesu wakatalisya bubambe bwalo ibwazumanana kutobelwa amazuba aano.

14:16-21

• Jesu wakalailila basikwiiya bakwe kusanina makamu aabantu nokuba kuti bakajisi buyo zinkwa zyosanwe answi zyobilo

• Jesu wakabweza zinkwa answi mpoonya naakamana kupaila, wakapa basikwiiya bakwe eelyo balo bakatalika kupa makamu aabantu

• Camaleele, bantu boonse bakalya akukkuta. Jesu wakasanina makamu aabantu banji kwiinda mukubelesya bantu basyoonto buyo, nkokuti basikwiiya bakwe

• Jesu wakaambila limwi kuti mumazuba aamamanino, wakali kuyoobikka bubambe bwakupa ‘cakulya cakumuuya aciindi ceelede.’—Mt. 24:45

• Mu 1919, Jesu wakasala “muzike uusyomeka alimwi uucenjede,” kabunga kasyoonto kabakwesu bananike, ikulanganya “babelesi bamuŋanda yakwe,” nkokuti aabo ibasaninwa

• Kwiinda mukabunga kasyoonto aaka kabakwesu bananike, Jesu utobela bubambe mbwaakatalisya mumwaanda wamyaka wakusaanguna

Mbuti mbondikonzya kutondezya kuti ndilibuzyi akubulemeka bubambe mbwabelesya Jesu kusanina bantu kumuuya?