MBONO IZILI MU JWI LYA LEZA | BAROMA 9-11
Cikozyanyo Cacisamu Camaolifa
Ino zibeela ziindeene-indene zyacisamu camaolifa cacikozyanyo ziiminina nzi?
-
Cisamu: nkuzuzikizyigwa kwamakanze aa Leza aajatikizya cizuminano ca Abrahamu
-
Cisiko: ngu Jesu, cibeela cakusaanguna calunyungu lwa Abrahamu
-
Mitabi: ba 144,000, imweelwe walo uubikkilizya cibeela cabili calunyungu lwa Abrahamu
-
Mitabi ‘iyakagonkwa’: mba Juda bakumubili ibakakaka Jesu
-
Mitabi ‘iyakalumikizyigwa’: Mbanakristo bananike ibazwa mumasi
Kweelana ambokwakasinsimwa, lunyungu lwa Abrahamu, nkokuti Jesu aba 144,000, bayooleta zilongezyo “kubantu bamasi.”—Rom. 11:12; Matl. 22:18
Ino ncinzi ncondiiya kujatikizya Jehova kweelana ambwazuzikizya makanze aakwe aajatikizya lunyungu lwa Abrahamu?
