KABBUKU KAMUSWAANGANO WABUUMI AMULIMO January 2016
Zitondezyo Zyacikozyanyo
Mizeezo yakwaabila mamagazini aa Ngazi Yamulindizi a Sinsimuka! alimwi abroshuwa ya Makani Mabotu Aazwa Kuli Leza! Amutobelezye zikozyanyo kutegwa mubambe nzila zikonzya kumubelekela.
MBONO IZILI MU JWI LYA LEZA
Bukombi Bwakasimpe Buyanda Kubeleka Canguzu
Amweezyeezye busungu mbwaakajisi Mwami Hezekiya bwakubukulusya bukombi bwakasimpe. Amubelesye zifwanikiso, maapu, alimwi azintu izyakali kucitika zilembedwe ku 2 Makani 29-30 kutegwa zimugwasye.
AMUSUNGWAALE MUMULIMO WAMUMUUNDA
Mbomukonzya Kusololela Ciiyo Kubelesya Broshuwa ya Makani Mabotu
Nzila zyosanwe zyuuba-uba zigwasya kusololela ziiyo zya Bbaibbele ziyaambele kubelesya broshuwa ya Makani Mabotu Aazwa Kuli Leza!
BUUMI BWA BUNAKRISTO
Coolwe Ncotujisi Cakuyaka Akubamba Masena Eesu Aabukombi Bwakasimpe
Mbuti mbotukonzya kutondezya busungu alimwi aluyando kumilimo iisetekene iicitwa mumasena eesu aakukombela?
MBONO IZILI MU JWI LYA LEZA
Jehova Ulakukkomanina Kweempwa Kwini-kwini
Kweempwa Kwini-kwini kwa Mwami Manase kwakagwasya kapati. Amweezyanisye bulelo bwakwe mbobwakabede katanajatwa alimwi aleelyo naakaangununwa kuzwa ku Babuloni. (2 Makani 33-36)
MBONO IZILI MU JWI LYA LEZA
Jehova Ulazuzikizya zisyomezyo zyakwe
Mulongo uutondezya zyakali kucitika ciindi cakulembwa kwabbuku lya Ezara 1-5. Nokuba kuti kwakali mapenzi manji, ba Juda bakazwa ku Babuloni akuya ku Jerusalemu, kuyoobukulusya bukombi bwakasimpe, alimwi akuyooyakulula tempele.
MBONO IZILI MU JWI LYA LEZA
Jehova Uyanda Babelesi Balyaabide
Ezara abaabo ibakapiluka anguwe bakeelede kuba alusyomo luyumu, bakeelede kuba basungu kubukombi bwakasimpe alimwi basicamba. Kutegwa mubone mbobakeenda amubelesye zifwanikiso alimwi a maapu.
KUPONA BUUMI BWA BUNAKRISTO
Kuyungizya Luzyibo Lwesu Mumulimo Wakukambauka—Kubamba Ntalisyo Yalweendo Lwakupilukila
Nzila zyotatwe zikonzya kugwasya mukucita nyendo zyakupilukila zizwidilila kuli baabo batondezya luyandisisyo mukasimpe kamu Bbaibbele.
