Ijwi lya Leza lilakonzya kucinca buumi bwesu. (Heb. 4:12) Aboobo, kutegwa tugwasyigwe abusolozi alimwi alulayo luli mulindilyo, tweelede kusinizya ncobeni kuti “majwi aa Leza.” (1Tes. 2:13) Ino mbuti mbotukonzya kuyumya lusyomo lwesu mu Bbaibbele?

Amubale cibeela camu Bbaibbele buzuba abuzuba. Ciindi nomubala, amujane bumboni butondezya kuti Jehova ngo Sikulyaanza. Mucikozyanyo, amulange-lange lulayo lujanika mubbuku lya Tusimpi alimwi akubikkila maano kubusongo bujanika mulindilyo.—Tus. 13:20; 14:30.

Amulibikkile mbaakani yakubala makani aagaminide. Tweelede kubuzyiba bumboni butondezya kuti Bbaibbele lyakasololelwa amuuya uusalala. Mu Bbuku Ligwasya Kuvwuntauzya lya Bakamboni ba Jehova, amubone aalembedwe kuti “Bbaibbele,” ansi aamutwe wakuti “Lyakasololelwa Amuuya wa Leza.” Alimwi mulakonzya kuyumya lusyomo lwanu lwakuti mulumbe uuli mu Bbaibbele taucincide kwiinda mukulanga-langa Makani Aayungizyidwe A3 mu Bbaibbele lya Busanduluzi Bwanyika Mpya.

AMWEEBELELE KAVIDIYO KAKUTI KAAMBO NCOTUSYOMA KUTI JWI LYA LEZA NDYAMASIMPE, MPOONYA MWIINGULE MIBUZYO IITOBELA:

• Ino mbuti ikujanika kwabwaanda bwa tempele ku Karnak, Egepita, mbokusinizya kasimpe kali mu Jwi lya Leza?

  Your answer

• Ino tuzyi buti kuti mulumbe uuli mu Bbaibbele taucincide pe?

  Your answer

• Ino mbuti kufwutuka kwa Bbaibbele mbokumupa kusinizya kuti ndi Jwi lya Leza?—Amubale Isaya 40:8

  Your answer