Nkaambo nzi ncomweelede kulibambila? Kuciswa alimwi akujatwa mucibbadela kulaboola cacibukilambuta. Aboobo kamutanaciswa kapati, amucite kufwumbwa ncomukonzya lino, kutegwa mukaakusale busilisi buli kabotu caakucitika eeci. Kwiinda mukucita boobo, mutondezya kuti mulabulemeka buumi alimwi amulawo wa Jehova kujatikizya bulowa.—Mil. 15:28, 29.

Ncinzi ncomukonzya kucita kutegwa mulibambile?

• Amupaile akwiilemba cakulomya kkaadi yabulowa (DPA). a Basikumwaya babbapatizyidwe balakonzya kubweza kkaadi ya DPA kumubelesi wamabbuku kufwumbwa ciindi. Kuyungizya waawo, balakonzya kubweza kakkaadi kabana babo basyoonto kategwa Identity Card (ic)

• Ikuti muli bubi (mulimitide), amulombe pepa lyakuti Mulumbe Kuli Bamakaintu Bamitide (S-401) kubaalu. Pepa eeli liyoomugwasya kusala kabotu kujatikizya makani aabusilisi aaboola muntu natanatumbuka alimwi anaamana kutumbuka

• Ikuti kulangilwa kubuka makani aajatikizya bulowa naa kuti mulangilwa kujatwa mucibbadela, amubazyibye baalu banu kakucili ciindi akuzyibya basicibbadela kuti muyooswaigwa amubelesi wa Bakamboni ba Jehova

Mbobakonzya kugwasya baalu. Baalu balakonzya kumugwasya kulemba kkaadi ya DPA. Nokuba boobo, tabakamusalili cakucita naa kwaamba mbobayeeya mutwaambo ntomweelede kulisalila. (Rom. 14:12; Gal. 6:5) Ikuti mwabazyibya baalu banu kuti mulangilwa kutambula busilisi bujatikizya bulowa, cakufwambaana bayootumina ba Hospital Liaison Committee (HLC).

Mbobakonzya kugwasya ba HLC. Bakwesu babelekela mu HLC bakayiisyigwa kugwasya basilisi alimwi abasimilawo kumvwisya mbotwaabona makani abulowa. Balakonzya kubandika abasilisi banu nzila zimwi zyabusilisi zitajatikizyi kubikkwa bulowa. Ikuti kwayandika balakonzya kumugwasya kujana dokota uukonzya kumusilika kakunyina kubikkwa bulowa.

AMWEEBELELE KAVIDIYO KAKUTI MBOTUKONZYA KUSALA BUSILISI BULI KABOTU MUMAKANI AAJATIKIZYA BULOWA, MPOONYA MWIINGULE MUBUZYO UUTOBELA:

• Ino ncinzi ncomwaiya mukavidiyo aaka calo cikonzya kumugwasya kulibambila kusilikwa kakunyina kubikkwa bulowa?

  Your answer