February 19-25
INTEMBAUZYO 8-10
Lwiimbo 2 Amupailo | Majwi Aantalisyo (1 min.)
1. “O Jehova, Ndilakutembaula”!
(10 min.)
Jehova mubotu kapati kulindiswe (Int. 8:3-6; w21.08 3 ¶6)
Tulakkomana kutembaula Jehova kwiinda mukwaambila bamwi kujatikizya milimo yakwe mibotu (Int. 9:1; w20.05 23 ¶10)
Tulamutembaula ciindi notwiimba camoyo woonse kulinguwe (Int. 9:2; w22.04 7 ¶13)
AMULIBUZYE KUTI, ‘Muunzila nzi zimwi mondikonzya kumutembaula Jehova?’
2. Mbono Zyakumuuya
(10 min.)
Int. 8:3—Ino ncinzi ncaakali kupandulula sintembauzyo ciindi naakaamba kujatikizya minwe ya Leza? (it-1 832)
Ino nimbono nzi zyakumuuya nzyomwakajana mukubala Bbaibbele kwansondo iino nzyomukonzya kwaamba?
3. Kubala Bbaibbele
(4 min.) Int. 10:1-18 (th ciiyo 11)
4. Kutalisya Mubandi
(3 min.) KUŊANDA AŊANDA. Mukamwiniŋanda wamwaambila kuti tasyomi muli Leza. (lmd ciiyo 5 kaambo 4)
5. Kupilukila
(4 min.) MUBUKAMBAUSI BWAMUKWIIZYA. Mumubandi wainda, mukamwiniŋanda wakamwaambila kuti tasyomi muli Leza, pele ulilibambilide kulanga-langa bumboni butondezya kuti Mulengi nkwali. (th ciiyo 7)
6. Makani
(5 min.) w21.06 6-7 ¶15-18—Mutwe: Amubagwasye Basikwiiya Bbaibbele Kutembaula Jehova. (th ciiyo 10)
Lwiimbo 10
7. Mbotukonzya Kucita Bukambausi Bwamukwiizya Munzila Yeelede
(10 min.) Mubandi.
Nzila iimwi motukonzya kutembaula Jehova nkwiinda mukukambaukila baabo mbotuswaanganya notucita milimo yabuzuba abuzuba. (Int. 35:28) Kusaanguna, tulakonzya kulibilika kukambaukila bamwi notwiizya. Nokuba boobo, ciindi notwiiya mbotukonzya kutalisya alimwi akuzumanana amibandi munzila yeelede, tulakonzya kunoocita kabotu alimwi akukukkomanina!
Amweebelele VIDIYO yakuti Amulibambile Kwaambila Bamwi “Makani Mabotu Aaluumuno”—Amutalisye Mubandi. Mpoonya mubuzye mubuzyo uutobela:
Ino ncinzi ncomwaiya muvidiyo eeyi cikonzya kumugwasya kutegwa muzwidilile mukucita bukambausi bwamukwiizya?
Nzila zitobela zilakonzya kumugwasya kutalisya mubandi:
Amujane nzila zyakutalisya mubandi ciindi coonse nomuzwa aŋanda. Amucipailile, akulomba Jehova kuti amugwasye kujana babombe myoyo
Amusangalizye alimwi akubabikkila maano bantu mbomuswaanganya. Amusole kumumvwisya muntu ooyo kutegwa muzyibe kasimpe kamu Bbaibbele nkakonzya kukkomanina
Amusole kubona naa inga mwapana manamba aamafooni, ikuti kacikonzyeka
Mutatyompwi ikuti mubandi wamana kamutanakambauka
Amumuyeeye muntu ooyo mwamana kubandika. Amuzumanane kumubikkila maano kwiinda kumutumina liinki yatupango twamu Bbaibbele naa cibalo cili a jw.org
AMUSOLE NZILA EEYI: Ikuti muntu uumwi wamubuzya kuti, ‘Yakeenda buti wikkeendi?,’ amumwaambile kujatikizya cintu cimwi ncomwakaiya kumiswaangano naa mulimo ngomubeleka mbomuli bayi ba Bbaibbele.
8. Ziyandika Mumbungano
(5 min.)
9. Ciiyo ca Bbaibbele Cambungano
(30 min.) bt cibalo 6 ¶1-8, antalisyo yacibeela 2
