9:62

Kutegwa apange mifwolo iili kabotu, mulimi uubelesya pulawu tayelede kunyonganizigwa azintu zili musyule lyakwe. Ncimwi buyo, Munakristo tayelede kuzumizya zintu nzyaakasiya munyika kuti zimunyonganye.—Flp. 3:13.

Ciindi notucitikilwa mapenzi, ncuuba-uba kutalika kulombozya mazuba aakaindi ngotuyeeya kuti zintu zyakali kabotu, ambweni katutanakazyiba kasimpe. Ciindi notucita boobu, kanji-kanji tulaciindizya kwaamba bubotu mbobwakabede mpoonya akuubya-ubya mapenzi ngotwakajisi kaindi. Oobu mbombubo bana Israyeli mbobakacita ciindi nobakazwa mucisi ca Egepita. (My. 11:5, 6) Ikuti twatalika kubikkila maano kukulombozya kuli boobo, tulakonzya kusunkwa akujokela kuzintu nzyotwakali kucita kaindi. Eelo kaka inga cainda kubota kuyeeya zilongezyo nzyotujisi lino alimwi akuzumanana kubikkila maano kuzilongezyo nzyotuyoojana bwaakutalika kweendelezya Bwami!—2Kor. 4:16-18.