AMUSUNGWAALE MUMULIMO WAMUMUUNDA | AMUYUNGIZYE LUKKOMANO LWANU MUBUKAMBAUSI
Amubasike Amoyo Bantu
Kumvwida Leza kweelede kuzwa ansi aamoyo. (Tus. 3:1) Aboobo ciindi notuyiisya, tweelede kusolekesya kubasika aamoyo baswiilizi. Munzila nzi?
Tamweelede kumwaambila buyo kasimpe kamu Bbaibbele sikwiiya wanu, pele amumugwasye kubona makani ngaiya mbwaacijatikizya cilongwe cakwe a Jehova. Amumugwasye kumvwisya njiisyo zyamu Bbaibbele mbozitondezya luyando lwa Leza, bubotu, alimwi abululami bwakwe. Cabupampu amumubuzye mibuzyo iikonzya kumugwasya kulilingula akuzyiba mbwalimvwa kujatikizya zintu nzyaiya. Amumugwasye kubona buumi bwakwe mbobukonzya kubota ikuti wacinca bukkale naa kuleka cilengwa cibi. Mwaakubona kuti sikwiiya wanu watalika kumuyanda Jehova amoyo woonse, muyookkomana kapati.
AMWEEBELELE KAVIDIYO KAKUTI AMUJANE LUKKOMANO LUBOOLA AKAAMBO KAKUGWASYA BAMWI KUBA BASIKWIIYA—AMUYUNGIZYE LUZYIBO LWANU—AMUBASIKE AMOYO BANTU, MPOONYA MWIINGULE MIBUZYO IITOBELA:
-
Nkaambo nzi Neeta ncaabuzyila Jade kuti: “Sena ulayeeya nzyotwakaiya ciindi camana?”
-
Ino mbuti Neeta mbwaamugwasya Jade kubona njiisyo zyamu Bbaibbele mbozitondezya luyando lwa Jehova?
-
Ikuti twamusika aamoyo sikwiiya wesu, uyookulwaizyigwa kuswena kuli Jehova
Ino mbuti Neeta mbwaamugwasya Jade kubona mbwakonzya kutondezya luyando kuli Leza?
