KUPONA BUUMI BWA BUNAKRISTO
Kuba Sicamba Tacikatazyi Pe
Muntu sicamba muntu uutafwi nsoni naa mukandu. Kuba sicamba tacaambi kuti tatukonzyi kuyoowa. Muciindi caboobo, caamba kubweza ntaamu nokuba kuti tulayoowa. Aboobo tulakonzya kuba basicamba ikuti twasyoma Jehova, nkaambo Ngokasensa kabusicamba bwini-bwini. (Int. 28:7) Mbuti bana mbobakonzya kutondezya busicamba?
AMWEEBELELE KAVIDIYO KAKUTI AMWIIYE BASICAMBA, KUTALI BAKANDU! MPOONYA MWIINGULE MIBUZYO IITOBELA:
-
Ino mbukkale nzi mbobajana bakubusi mobayandika kutondezya busicamba?
-
Ino nzibalo nzi zyamu Bbaibbele zikonzya kutukulwaizya kuba basicamba?
-
Ino mbuti mbotugwasyigwa swebo alimwi abaabo batulangilila ciindi notutondezya busicamba?
