Jehova wakali kubagwasya bacete mu Israyeli yansiku. Ninzila nzi zimwi mwabagwasya babelesi bakwe bacete mazuba aano?

• Wabayiisya kwaabona munzila yeelede mali.​—Lk. 12:15; 1Tim. 6:6-8

• Wabagwasya kulimvwa kuti balaampindu.​—Job. 34:19

• Wabayiisya kubeleka canguzu alimwi akweeleba zilengwa zibi.​—Tus. 14:23; 20:1; 2Kor. 7:1

• Wabaleta mubunyina bwa Bunakristo bwaluyando.​—Joh. 13:35; 1Joh. 3:17, 18

• Ulabapa bulangizi.—Int. 9:18; Is. 65:21-23

Nokuba kuti bukkale bwesu bwayuma kapati tatweelede kulibilika. (Is. 30:15) Jehova uyootupa nzyotuyandika kumubili kufwumbwa buyo kuti twazumanana kusaanguna kuyandaula Bwami bwakwe.—Mt. 6:31-33.

AMWEEBELELE KAVIDIYO KAKUTI LUYANDO TALUMANI NOKUBA KUTI . . . MULI BACETE​—CONGO, MPOONYA MWIINGULE MIBUZYO IITOBELA:

• Mbuti bakwesu bakkala munsi-munsi abusena bwakucitila muswaangano wacooko mbobakasamausya baabo bakali kuboola kumuswaangano?

• Ino kavidiyo aaka katuyiisya nzi kujatikizya luyando ndwajisi Jehova kubacete?

• Ino inga twamwiiya buti Jehova nokuba kuti tuli bavwubi naa bacete kumubili?