Lweetelelo nkucikonzya kumvwisya mbobayeeya bantu, mbobalimvwa, bube bwabo alimwi anzyobayandika. Ibamwi balazyiba ciindi notutondezya lweetelelo kulimbabo. Ciindi notutondezya lweetelelo mumulimo wamumuunda, twiiya luyando akubikkila maano kwa Jehova alimwi eeci cipa kuti bantu baswene kulinguwe.—Flp. 2:4.

Tutondezya lweetelelo ikutali buyo ciindi notuyiisya, pele aaciindi notuswiilila alimwi akwaambaula. Tulatondezya lweetelelo kwiinda mukubabikkila maano bantu cakumaninina. Aboobo tulabona zintu nzyobasyoma, nzyobayandisya alimwi abukkale bwabo. Alimwi tulabapa lugwasyo luyandika, pele tatubasinikizyi kucinca. Ciindi bamwi nobazumina kuti tubagwasye, lukkomano lwesu mumulimo wamumuunda lulayungizyika.

AMWEEBELELE KAVIDIYO KAKUTI AMUJANE LUKKOMANO LUBOOLA AKAAMBO KAKUGWASYA BAMWI KUBA BASIKWIIYA​—AMUYUNGIZYE LUZYIBO LWANU​—AMUTONDEZYE LWEETELELO, MPOONYA MWIINGULE MIBUZYO IITOBELA:

• Mbuti Neeta mbwaatondezya lweetelelo ciindi Jade naamuka?

• Mbuti Neeta mbwaatondezya lweetelelo ciindi Jade naamba kuti ulikatede kwiiya?

• Mbuti Neeta mbwaatondezya lweetelelo ciindi Jade naamba kuti zintu tazyibambidwe kabotu muŋanda?