Bakwesu balabeleka canguzu kupanga mibandi yacitondezyo, alimwi basikumwaya banji bajana kuti ilagwasya kapati mucilawo cabo. Nokuba boobo, mbwaanga bukkale buliindene nyika yoonse, basikumwaya balijisi lwaanguluko lwakubelesya nzila iikonzya kubabelekela mubukambausi naa kubandika kaambo kaindene kakonzya kubakwelelezya bantu bakubusena oobo. Pele, boonse beelede kutobela malailile nokuli bukambausi bwaalubazu. Makanze eesu ngakuzuzikizya malailile aa Jesu aakukambauka makani mabotu aa Bwami.—Mt. 24:14.

Ciindi nomwapegwa cibeela cabasicikolo, mweelede kubandika kaambo kali mumubandi wacitondezyo mu Kabbuku Kamuswaangano Wabuumi Amulimo Wesu wa Bunakristo. Nokuba boobo, ccita kuti kwatondezyegwa bumbi, mulaangulukide kubelesya mubuzyo, lugwalo, mubuzyo waciindi ciboola naa bukkale kweelana acilawo canu. Ooku nkucinca kwamalailile aakapegwa mu kabbuku kamuswaangano kamu June 2020 apeeji 8.