Jesu wakatusiila cikozyanyo cakuti tutobele, kwaambisya ciindi notusikilwa masunko naa notupenzyegwa. (1Pet. 2:21-23) Nokuba kuti Jesu wakali kutukilwa, kunyina naakatalika kutukila awalo, noliba leelyo naakali kupenzyegwa. (Mk. 15:29-32) Ino ncinzi cakamugwasya kuliyumya? Wakakanzide kucita kuyanda kwa Jehova. (Joh. 6:38) Wakabikkila maano ‘kulukkomano ndwaakabikkilidwe kumbele.’—Heb. 12:2.

Ino tucita buti ciindi notuteendelezyegwi kabotu akaambo kalusyomo lwesu? Banakristo bakasimpe ‘tabapilusizyi cibi’ kumuntu uuli woonse. (Rom. 12:14, 17) Ikuti twamwiiya Kristo mbwaakaliyumya ciindi naakali kupenzyegwa, tulakonzya kukkomana nkaambo eeci citondezya kuti tulakkomaninwa a Leza.—Mt. 5:10-12; 1Pet. 4:12-14.

AMWEEBELELE KAVIDIYO KAKUTI ZINA LYA JEHOVA LILAYANDIKA KAPATI, MWAMANA MWIINGULE MIBUZYO IITOBELA:

• Ino mucizyi Potzinger * wakacibelesya buti ciindi ncaakajisi ciindi naakali muntolongo?

• Ino mukwesu amucizyi Potzinger bakaliyumya mumapenzi nzi ciindi nobakali muzilabba zyakupenzyezya?

• Ino ncinzi cakabagwasya kuliyumya?