MBONO IZILI MU JWI LYA LEZA | JOBU 1-5
Jobu Wakaliyumya Mumasunko
Jobu wakali kukkala mu Uzi ciindi bana Israyeli nobakali mubuzike ku Egepita. Nokuba kuti tanaakali muna Israyeli, Jobu wakali mukombi wa Jehova uusyomeka. Wakajisi mukwasyi mupati, lubono lunji, wakali kulemekwa mubusena mwaakali kukkala, wakali sikulaya alimwi amubetesi uutasalululi. Wakali kubagwasya bacete. Jobu wakali mwaalumi uusyomeka.
Jobu wakatondezya caantangalala kuti Jehova ngowakali kuyandika kapati mubuumi bwakwe
-
Saatani wakabona kuti Jobu wakali kusyomeka. Wakalizyi kuti Jobu wakali kumumvwida Jehova; pele wakaadooneka makanze aa Jobu
-
Saatani wakaamba kuti Jobu wakali kubelekela Jehova akaambo kakuti kuli ncaakali kuyanda
-
Kutegwa ape bwiinguzi kumakani ngaakaamba Saatani, Jehova wakazumizya Saatani kulwana mwaalumi ooyu uusyomeka. Saatani wakamuletela mapenzi aataambiki Jobu mubuumi bwakwe
-
Kusyomeka kwa Jobu kwakapa kuti Saatani akudooneke kusyomeka kwabantu boonse
-
Jobu tanaakabisya naa kupa Leza mulandu uuli woonse
