KUPONA BUUMI BWA BUNAKRISTO
Amuugwasye Mukwasyi Wanu Kuyeeya Jehova
Jeremiya wakapegwa mulimo wakucenjezya ba Juda akaambo kalunyonyooko ilwakali kuboola nkaambo bakalimulubide Leza wabo, Jehova. (Jer. 13:25) Ino cisi eeci cakalijana buti mubukkale buusisya oobu? Mikwasyi yabana Israyeli tiiyakali kucita kabotu kumuuya. Kuboneka kuti mitwe yamikwasyi tiiyakali kubutobela busolozi bwa Jehova bujanika mulugwalo lwa Deuteronomo 6:5-7.
Mazuba aano mikwasyi miyumu kumuuya ipa kuti mbungano zyesu kazili ziyumu. Mitwe yamikwasyi ilakonzya kugwasya mikwasyi yabo kuyeeya Jehova kwiinda mu Kukomba Kwamumukwasyi kucitwa lyoonse. (Int. 22:27) Mwamana kweebelela kavidiyo kakuti ‘Majwi Aaya Ayelede Kuba Mumyoyo Yanu’—Kubuzya-buzya Mukwasyi, amubandike mibuzyo iitobela:
-
Ino mikwasyi iimwi yacikonzya buti kulwana buyumuyumu ibupa mikwasyi minji kwaalilwa kucita kukomba kwamumukwasyi?
-
Ino nimpindu nzi zimwi iziboola akaambo kakucita Kukomba Kwamumukwasyi lyoonse?
-
Caboola kumakani aakukomba mumukwasyi, ino mbuyumuyumu nzi mbondijisi, alimwi mbuti mbondikonzya kubulwana?