“Amulangile”
Nokuba kuti Jesu wakagamika cikozyanyo cabanakalindu bali kkumi kuli basikumutobela bananike, mulumbe uuli mumo ulabeleka aku Banakristo boonse. (w15 3/15 12-16) “Aboobo amulangile, nkaambo tamuzyi buzuba nociba ciindi.” (Mt. 25:13) Sena inga mwacipandulula cikozyanyo ca Jesu?
-
Sibwiinga (kapango 1)—Jesu
-
Banakalindu bacenjede, ibakalibambilide (kapango 2)—Banakristo bananike ibalibambilide kubeleka mulimo wabo cakusyomeka alimwi ibamweka mbuli mumuni kusikila kumamanino (Flp. 2:15)
-
Loongololo lwakuti: “Wasika sibwiinga!” (kapango 6)—Bumboni bwakubako kwa Jesu
-
Banakalindu bafwubafwuba (kapango 8)—Banakristo bananike ibaunka kuyootambula Sibwiinga pele ibatazumanani kulangila alimwi ibaleka kuzumanana kusyomeka
-
Banakalindu bacenjede bakaka kwaabana mafwuta aabo (kapango 9)—Bamana kubikkwa ciganto camamanino, bananike basyomeka banoocinyina ciindi cakugwasya muntu uuli woonse uuyooleka kusyomeka
-
“Sibwiinga wakasika” (kapango 10)—Jesu waboola kuzoobeteka kumamanino aamapenzi mapati
-
Banakalindu bacenjede banjila muŋanda yapobwe lyabwiinga antoomwe asibwiinga, mpoonya mulyango wajalwa (kapango 10)—Jesu wabunganya bananike bakwe basyomeka kujulu, pele aabo batasyomeki basweekelwa bulumbu bwabo bwakujulu