Mwaka amwaka tulabeleka canguzu kutamba bantu bamucilawo cesu kuyootusangana ku Ciibalusyo. Bunji bwabo inga tatubazyi pe. Pele alimwi tweelede kubatamba abaabo mbotuzyi. Ibantu bapegwa kapepa kakubatamba kuzwa kumulongwe bunji bwaziindi inga balasika. (yb08-E 11 ¶3; 14 ¶1) Ino mbaani bamwi mbomukonzya kutamba?

• Bacibbululu

• Babelesinyoko naa basicikolonyoko

• Basimukobonyoko

• Bantu mbomuswaya munyendo zyakupilukila, bantu mbomwakali kwiiya limwi Bbaibbele alimwi ambomwiiya limwi lino

Kuyungizya waawo, baalu bayoobatamba aabo ibatacisungweede. Ino mbuti kuti mulongwe wanu ukkala kulamfwu ankomukkala? Inga mwalanga ciindi alimwi abusena nkociyoobeda Ciibalusyo kubusena nkwakkala kwiinda mukutyanka aalembedwe kuti KUJATIKIZYA NDISWE apeeji lyamatalikilo a jw.org mpoili atala, akutyanka aalembedwe kuti “Ciibalusyo.” Nomulibambila Ciibalusyo camwaka uuno, amuyeeye kujatikizya bantu mbomukonzya kutamba, mpoonya amukabatambe.