Ijwi lya Leza lilaanguzu! (Heb. 4:12) Lilakonzya kubasika amoyo nobaba baabo batamuzyi Leza. (1Tes. 1:9; 2:13) Cilatukkomanisya kubona muntu uutondezya kulumba kukasimpe nkotwamuyiisya kuzwa mu Bbaibbele.

AMWEEBELELE KAVIDIYO KAKUTI AMUJANE LUKKOMANO LUBOOLA AKAAMBO KAKUGWASYA BAMWI KUBA BASIKWIIYA​—AMUYUNGIZYE LUZYIBO LWANU​—AMUBAGWASYE BANTU KUBONA NGUZU NZYOLIJISI JWI LYA LEZA , MPOONYA MWIINGULE MIBUZYO IITOBELA:

• Ino Neeta watondezya buti nguzu nzyolijisi Jwi lya Leza ciindi naayanda kubala lugwalo?

• Ino Neeta watondezya buti nguzu nzyolijisi Jwi lya Leza ciindi nolwali kubalwa akubandikwa lugwalo?

• Ino ncinzi citondezya kuti lugwalo lwamunjila mumoyo Jade, alimwi muyeeya kuti Neeta walimvwa buti?