KUPONA BUUMI BWA BUNAKRISTO
Amusale Balongwe Cabusongo
Icakacitikila bana Israyeli muzibanda zya Moabu ncikozyanyo cicenjezya ku Banakristo. (1Kor. 10:6, 8, 11) Bana Israyeli ibakatalika kuyanzana abamakaintu bana Moabu, basibwaamu alimwi ibakali kukomba mituni bakayungwa kucita cibi cipati. Eeci cakabaletela mapenzi mapati. (My. 25:9) Andiswe tuzingulukidwe ababelesima, basicikoloma, basimukoboma, bacibbululu, alimwi abantu buyo bamwi ibatakombi Jehova. Ncinzi ncotukonzya kwiiya mucibalo eeci camu Bbaibbele kujatikizya ntenda ziliko mukuyanzana abantu batakombi Jehova?
AMWEEBELELE KAVIDIYO KAKUTI ZIKOZYANYO ZITUCENJEZYA MAZUBA AANO—KABEELA BUYO, MPOONYA MWIINGULE MIBUZYO IITOBELA:
-
Ino Zimuri alimwi abamwi bakasola buti kumuyunga Jamini?
-
Ino mbuti Finehasi mbwaakamugwasya Jamini kuzilanga kabotu zintu?
-
Nkwiindana nzi kuliko akati kakumvwana amuntu uutasyomi alimwi akuba mulongwe wakwe?
-
Nkaambo nzi ncotweelede kucenjela caboola kukusala balongwe nomuba mumbungano?
-
Nkaambo nzi ncotweelede kutantamuka kubandika abantu mbotutazyi cacigaminina aintaneti?