Jehova uyanda kuti katumubelekela akaambo kakuti tulamuyanda. (Mt. 22:37, 38) Luyando kuli Leza luyoobagwasya basikwiiya Bbaibbele banu kucinca bukkale bwabo alimwi akuliyumya ciindi nobali mumasunko. (1Joh. 5:3) Kuyungizya waawo, luyoobakulwaizya kubbapatizyigwa.

Amubagwasye basikwiiya Bbaibbele kubona luyando Leza ndwajisi kulimbabo. Amubabuzye mibuzyo mbuli yeeyi iitobela: “Ino eeci cimuyiisya nzi kujatikizya Jehova?” naa “Ino eeci cimutondezya buti luyando ndwajisi Leza kulindinywe?” Amubagwasye kubona Jehova mbwali mukubagwasya cacigaminina. (2Mak. 16:9) Amubaambile Jehova mbwaayiingula mipailo yanu iigaminide, alimwi akubagwasya kubona mbwaingula mipailo yabo. Tulakkomana kapati ciindi notubona basikwiiya Bbaibbele kabalumvwa luyando lwa Jehova akutondezya kuti balamuyanda akuti bayanda kuba mulongwe wabo.

AMWEEBELELE KAVIDIYO KAKUTI AMUBAGWASYE BASIKWIIYA BBAIBBELE BANU KUBA ACILONGWE CIYUMU A JEHOVA, MPOONYA MWIINGULE MIBUZYO IITOBELA:

• Ino mbuyumuyumu nzi mbwaajana Jade?

• Mbuti Neeta mbwaamugwasya Jade?

• Mbuti Jade mbwaacikonzya kubuzunda buyumuyumu oobu?