April 1-7
INTEMBAUZYO 23-25
Lwiimbo 4 Amupailo | Majwi Aantalisyo (1 min.)
1. “Jehova Mweembezi Wangu”
(10 min.)
Jehova ulatusololela akutukwabilila (Int. 23:1-4; w22.01 3-4 ¶5-6)
Jehova ulabalanganya babelesi bakwe mbubwenya mweembezi siluyando mbwalanganya mbelele zyakwe.
AMULIBUZYE KUTI, ‘Ino mbuti Jehova mbwaali kundilanganya mebo kundigama?’
2. Mbono Zyakumuuya
(10 min.)
-
Int. 23:3—Ino “nzila zyabululami” ninzi, alimwi ncinzi cikonzya kutugwasya kutegwa tutaleyi munzila eezyi? (w11 2/15 24 ¶1-3)
-
Ino nimbono nzi zyakumuuya nzyomwakajana mukubala Bbaibbele kwansondo iino nzyomukonzya kwaamba?
3. Kubala Bbaibbele
(4 min.) Int. 23:1–24:10 (th ciiyo 5)
4. Kutalisya Mubandi
(3 min.) MUBUKAMBAUSI BWAMUKWIIZYA. Amumubalile kapango kamu Bbaibbele kakulwaizya imuntu wamwaambila kuti ulalibilika kujatikizya bantu banyonyoona nyika. (lmd ciiyo 2 kaambo 5)
5. Kupilukila
(4 min.) KUMUNTU UULI AŊANDA. Amumutondezye mbocicitwa ciiyo ca Bbaibbele muntu iwakatambula broshuwa ya Amupone Kukabe Kutamani! (lmd ciiyo 9 kaambo 3)
6. Kugwasya Bantu Kuti Babe Basikwiiya
(5 min.) lff ciiyo 14 kaambo 4 (lmd ciiyo 11 kaambo 3)
Lwiimbo 54
7. Tulalikaka Jwi Lyabeenzu
(15 min.) Mubandi.
Mbelele zililizyi jwi lyamweembezi wanzizyo mane buya akumutobela. Kulubazu lumwi, zilamutija mweenzu nkaambo tazilizyi jwi lyakwe. (Joh. 10:5) Munzila njiyonya, tulaliswiilila jwi lya Beembezi besu bakumuuya basiluyando alimwi basyomeka, nkokuti Jehova alimwi a Jesu. (Int. 23:1; Joh. 10:11) Pele tulalikaka jwi lyabeenzu ibasola kunyonganya lusyomo lwesu kwiinda mukubelesya “majwi aakuunina.”—2Pet. 2:1, 3.
Bbuku lya Matalikilo caandaano 3 lilaamba ciindi cakusaanguna nokwakamvwugwa jwi lyamweenzu anyika. Saatani wakaambaula a Eva kwiinda munzoka kutegwa atazyibi muntu ngwaakali kwaambaula awalo. Kalicengeezya kuba mulongwe wakwe, Saatani wakabeja kujatikizya majwi aa Jehova alimwi amakanze aakwe. Cuusisya ncakuti Eva wakamuswiilila, calo cakaleta mapenzi aataambiki kulinguwe akumukwasyi wakwe.
Mazuba aano, Saatani ulimukusola kupa kuti katumudooneka Jehova ambunga yakwe kwiinda mukwaamba makani aatyompya, makani aatajisi bumboni bukkwene alimwi amakani aakubeja. Ciindi notwamvwa jwi lyamweenzu, tweelede kutija! Kumuswiilila naaba buyo asyoonto kulakonzya kutunjizya muntenda. Ali ongaye majwi ngaakaamba Saatani kunyonganya Eva muciindi buyo cisyoonto ncobakabandika? (Matl. 3:1, 4, 5) Ino mbuti kuti muntu ngotuzyi, imuntu uutuyanda alimwi uujisi makanze mabotu kujatikizya ndiswe, uyanda kutwaambila makani aatyompya kujatikizya mbunga ya Jehova?
Amweebelele VIDIYO yakuti Amulikake Ijwi Lyabeenzu. Mpoonya mubuzye mubuzyo uutobela:
Ino mwaiya nzi kuli ncaamba Jade ciindi banyina batali Bakamboni nobaamba kaambo katali kabotu kujatikizya mbunga ya Jehova?
8. Ciiyo ca Bbaibbele Cambungano
(30 min.) bt cibalo 8 ¶1-4, atubbokesi ituli apeeji 61-62
