April 29–May 5
INTEMBAUZYO 34-35
Lwiimbo 10 Amupailo | Majwi Aantalisyo (1 min.)
1. “Amumutembaule Jehova Ciindi Coonse”
(10 min.)
Davida wakamutembaula Jehova noliba leelyo naakali kwiinda mumasunko (Int. 34:1; w07 3/1 25 ¶11)
Davida taakwe naakalisumpula, pele wakalidunda muli Jehova (Int. 34:2-4; w07 3/1 26 ¶13)
Majwi aa Davida aakutembaula Jehova akabayumya-yumya bamwi (Int. 34:5; w07 3/1 26 ¶15)
Davida naakazwa kuli Abimeleki, baalumi bali 400 ibatakakkomene abulelo bwa Mwami Saulo, bakamusangana munkanda. (1Sam. 22:1, 2) Kulibonya kuti Davida wakajisi baalumi bali boobu mumizeezo naakapanga lwiimbo oolu.—Int. 34, katwe kamakani.
AMULIBUZYE KUTI, ‘Kumuswaangano wambungano uutobela, mbuti mbondiyootembaula Jehova ndanoobandika amuntu uumwi?’
2. Mbono Zyakumuuya
(10 min.)
-
Int. 35:19—Ino kulomba kwa Davida kwakuti aabo bamusulide ‘batamutyankili meso’ kwaamba nzi? (w06 6/1 31 ¶10)
-
Ino nimbono nzi zyakumuuya nzyomwakajana mukubala Bbaibbele kwansondo iino nzyomukonzya kwaamba?
3. Kubala Bbaibbele
(4 min.) Int. 34:1-22 (th ciiyo 5)
4. Kutalisya Mubandi
(2 min.) MUBUKAMBAUSI BWAMUKWIIZYA. Mubandi wamana kamutanapa bumboni. (lmd ciiyo 1 kaambo 4)
5. Kupilukila
(4 min.) MUBUKAMBAUSI BWAMUKWIIZYA. (lmd ciiyo 2 kaambo 4)
6. Kupandulula Nzyomusyoma
(5 min.) Citondezyo. ijwfq 59—Mutwe: Ino Bakamboni ba Jehova Bazyiba Buti naa Baleelede Kutola Lubazu Mupobwe naa Mucilengwa Cimwi? (th ciiyo 17)
Lwiimbo 59
7. Nzila Zyotatwe Mbotukonzya Kutembaula Jehova Kumiswaangano
(15 min.) Mubandi.
Miswaangano yambungano ipa coolwe cibotu cakutembaula Jehova. Nzeezyi nzila zyotatwe.
Mibandi: Amwaambe kujatikizya bubotu bwa Jehova nomubandika abamwi. (Int. 145:1, 7) Sena kuli nomwakamvwa naa kubala kaambo kamwi kagaminide ikakamugwasya? Sena mujisi cakuluula cibotu camubukambausi? Sena kuli wakamukulwaizya kwiinda mumajwi naa mumicito yakwe? Sena mwakabona cintu cimwi muzilenge icakamukkomanisya? Zyoonse eezyi nzipego kuzwa kuli Jehova. (Jak. 1:17) Amufwambaane kusika kutegwa mujane ciindi cakubandika abamwi.
Bwiinguzi: Amusole kupa bwiinguzi nobuba bomwe buyo kumuswaangano umwi aumwi. (Int. 26:12) Mulakonzya kupa bwiinguzi bugaminide naa kwaamba kujatikizya lugwalo, zifwanikiso, naa mbwaakonzya kubelesyegwa makani aali mukuyiigwa. Mbwaanga abamwi balakonzya kutambika ciindi nomwatambika, amulibambile bwiinguzi buli mbobubede. Ibanji bayoocikonzya ‘kutuulila Leza cipaizyo cantembauzyo’ ikuti bwiinguzi bwesu kabutaindilili atuvwalu-vwalu tuli 30.—Heb. 13:15.
Nyimbo: Amwiimbe nyimbo zya Bwami cabusungu. (Int. 147:1) Andiza inga tiimwapegwa coolwe cakwiingula amuswaangano umwi aumwi kwaambisya mumbungano zipati, pele lyoonse mulakonzya kutola lubazu mukwiimba. Nokuba kuti andiza tamucizyi kwiimba kabotu, amusyome kuti Jehova ulakkomana nomusolekesya! (2Kor. 8:12) Mulakonzya kulibambila nyimbo kuŋanda.
Amweebelele VIDIYO Yakuti Kuyaambele Mumbunga Yesu—Cipego Canyimbo, Cibeela 1. Mpoonya mubuzye mubuzyo uutobela:
Kumatalikilo aambunga yesu iiliko mazuba aano, ino twakatondezya buti kuti kwiimba nyimbo zyakutembaula Jehova kulayandika?
