KUPONA BUUMI BWA BUNAKRISTO
Sena Mulaibelesya JW Library?
JW Library nipulogilamu iitabbadelelwi yalo iikonzya kupa kuti mucikonzye kukkopa Bbaibbele amabbuku aamwi, mapulogilamu aakalekkoodwa alimwi amavidiyo afooni, atabbuleti naa akkompyuta yanu.
MBOMUKONZYA KWIIKKOPA: Amuunke aa Intaneti, akukkopa JW Library kuzwa mu app store. App store eeyi ilajanika mumafooni amatabbuleti aayindene-indene. Kamucili mpoonya a Intaneti, amujalule JW Library akusala zintu nzyomuyanda kukkopa. Ikuti kamutajisi Intaneti kubusena nkomukkala, ambweni mulakonzya kubelesya Intaneti iili ku Ŋanda ya Bwami, kulaibbulali iibelesyegwa abuleya, naa kubusena buyo kumbi. Ikuti mabbuku mwaakkopa kale akwaabikka afooni naa atabbuleti yanu, tamuciyandiki kuunka aa Intaneti kutegwa mwaabale. Mbwaanga kulabikkwa zintu zipya a JW Library, mweelede kuunka aa Intaneti ciindi aciindi kutegwa mubikke mapulogilamu aayungizyigwa.
NKAAMBO NZI NCOMWEELEDE KUBA A JW LIBRARY? JW Library ipa kuti cuube-ube kucita ciiyo canu nobeni alimwi akutobelezya ciindi camiswaangano yambungano. Alimwi ilagwasya mumulimo wamumuunda, kwaambisya mubukambausi bwamukwiizya.
Andiza Inga Mwaakkomanina Ayaaya
MULIMO WESU WAKUKAMBAUKA
Kubelesya JW.ORG Kumwaya Mulumbe Wamu Bbaibbele
Bakamboni ba Jehova, bana alimwi abapati, balakkomana kubelesya webbusaiti yabo iyakabambululwa kwaambila bantu banji kapati mulumbe wamakani mabotu aa Bwami bwa Leza.
LUGWASYO A INTANETI
JW Library
Amubale akwiiya Bbaibbele lya Busanduluzi Bwanyika Mpya. Amweezyanisye makani aali muma Bbaibbele aambi.
