Banakristo boonse beelede kulilesya mumakani aajatikizya bukoko. (Tus. 23:20, 29-35; 1Kor. 6:9, 10) Ikuti Munakristo wasala kunywa bukoko, weelede kucita oobo cansaizi. Alimwi tayelede kuponena abukoko. Kuyungizya waawo, tayelede kufwumpuzya bamwi. (1Kor. 10:23, 24; 1Tim. 5:23) Kunyina weelede kusinikizyigwa kunywa bukoko, kwaambisya bana baniini.

AMWEEBELELE KAVIDIYO KAJATIKIZYA ZYAKUDULOWIŊA ABBOODI KAKUTI AMUYEEYE CIKONZYA KUCITIKA KUTI MWANYWA, MPOONYA MWIINGULE MIBUZYO IITOBELA:

• Nkaambo nzi Banakristo boonse ncobeelede kutobela milawo iijatikizya kunywa bukoko?—Rom. 13:1-4

• Nkaambo nzi ncotuteelede kuzumizya bamwi kutuyunga kunywa bukoko?—Rom. 6:16

• Mbuti mbotukonzya kweeleba tukole tujanika mukunywa bukoko?