AMUSUNGWAALE MUMULIMO WAMUMUUNDA | AMUYUNGIZYE LUKKOMANO LWANU MUBUKAMBAUSI
Amuyiisye Cabusungu
Busungu bwesu bulakonzya kubajatikizya bamwi. Ikuti katuli basungu, bantu bayoobikkila maano kapati kutuswiilila. Alimwi ciyootondezya kuti tulauyanda mulumbe wesu. Kufwumbwa naa muzwa mubukkale buli buti, mulakonzya kuba basungu. (Rom. 12:11) Mubuti?
Kusaanguna, amuyeeye mbouyandika mulumbe wanu. Mujisi coolwe cakwaambilizya “makani mabotu aazintu zibotu!” (Rom. 10:15) Cabili, amuyeeye makani mabotu mbwaakonzya kubagwasya baswiilizi banu. Beelede kuumvwa mulumbe wanu. (Rom. 10:13, 14) Camamanino, amwaambaule cabusungu, kutambaika munzila yeelede alimwi akucinca-cinca abusyu.
AMWEEBELELE KAVIDIYO KAKUTI AMUJANE LUKKOMANO LUBOOLA AKAAMBO KAKUGWASYA BAMWI KUBA BASIKWIIYA—AMUYUNGIZYE LUZYIBO LWANU—KUYIISYA CABUSUNGU, MPOONYA MWIINGULE MIBUZYO IITOBELA:
-
Ncinzi cakapa kuti Neeta aleke kuba musungu?
-
Ncinzi cakamugwasya Neeta kuba musungu alimwi?
-
Busungu bwesu bulakonzya kubajatikizya bamwi
Nkaambo nzi ncotweelede kubikkila maano kubube bubotu bwabaabo ibatuswiilila?
-
Ino busungu bwesu inga bwabajatikizya buti mbotwiiya limwi Bbaibbele alimwi abamwi buyo?
