Mbotuyaabuliyumya mamanino ‘aakumazuba aamamanino,’ tulangila kuti zintu zilaindila kubija. (2Tim. 3:1; Mt. 24:8) Ciindi nokwaba ntenda zilicitikila, bantu ba Jehova kanji-kanji balatambula malailile aamba mbobakonzya kulikwabilila. Aboobo lufwutuko lwesu luyeeme akulibambila lino, kumuuya alimwi akumubili.—Lk. 16:10.

• Amulibambile kumuuya: Amube acilengwa cibotu cakubala Bbaibbele akucita ciiyo canu nobeni. Amwiiye nzila ziindene-indene zyakukambauka. Mutalibiliki ikuti mwaandaana kwakaindi kasyoonto abamwi mumbungano. (Is. 30:15) Tamwaandaanizyidwe kuli Jehova alimwi a Jesu.—od 176 ¶15-17

• Amulibambile kumubili: Kuyungizya akabbeeke kajisi zintu ziyandika, mukwasyi umwi aumwi weelede kuyobola zyakulya, maanzi, musamu, alimwi azimwi zikozyene azyeezyi, ikuti kwayandika kuzwa aŋanda kwaciindi cili mbocibede.—Tus. 22:3; g17.5 4, 6

AMWEEBELELE KAVIDIYO KAKUTI SENA MULILIBAMBILIDE KUJATIKIZYA NTENDA ZILICITIKILA? MPOONYA MWIINGULE MIBUZYO IITOBELA:

• Mbuti mbotukonzya kulibambila kumuuya kujatikizya ntenda?

• Nkaambo nzi  . . .

  • ncotweelede kubazyibya bukkale bwesu baalu?

  • ncotweelede kuba azintu ziyandika?

  • ncotweelede kubandika ntenda zikonzya kucitika ancotweelede kucita?

• Ino ninzila nzi zyotatwe mbotukonzya kugwasya bamwi nobacitikilwa ntenda?

AMULIBUZYE KUTI, ‘Ino nziiyo nzi kujatikizya kulibambila nzyondikonzya kwiiya kubulwazi bwa COVID-19?