Mbotuli bantu batalondokede, lyoonse tulalwana azintu nzyotulombozya. Ikuti tiitwalijata, Jehova ulakonzya kuleka kutukkomanina. Mucikozyanyo, bamwi bayanda kapati zyakulya, zyakusama alimwi akwakukkala kwiinda mbobamuyanda Leza. Ibamwi batobela zisusi zyakoonana ziteendelani azyeelelo zya Leza. (Rom. 1:26, 27) Kumane bamwi, bazumina kuyungwa abeenzinyina kucita zibi kutegwa babayande.—Kul. 23:2.

Ino mbuti mbotukonzya kulijata kuzintu nzyotulombozya? Tweelede kusolekesya kucita zintu zimukkomanisya Jehova. (Mt. 4:4) Alimwi, tweelede kumulomba kutegwa atugwasye kulijata. Nkaambo nzi? Akaambo kakuti ulizizyi zintu zibotu zikonzya kutugwasya, alimwi ulatupa azintu nzyotulombozya izili kabotu.—Int. 145:16.

AMWEEBELELE KAVIDIYO KAKUTI MUTANYONYOONI BUUMI BWANU AKAAMBO KAKUFWEBA, MPOONYA MWIINGULE MIBUZYO IITOBELA:

• Nkaambo nzi bantu bamwi ncobafweba?

• Ino kufweba kulakonzya kumujatikizya buti?

• Nkaambo nzi kufweba tombwe alimwi akubelesya kancini kufweba ncokutali kabotu?—2Kor. 7:1

• Mbuti mbomukonzya kukukaka kufweba naa kucilekela limwi cilengwa eeci?