Mbotuyaabuya kumamanino aabweende bwazintu oobuno, tulangila kuyungizyika kwamanyongwe, bugwebenga alimwi ankondo. (Ciy. 6:4) Mbuti mbotukonzya kulibambila kujatikizya mapenzi aaya aakumbele?

• Amulibambile kumuuya: Amuyandaule njiisyo zyamu Bbaibbele azibalo zikonzya kuyumya lusyomo lwanu muli Jehova ambunga yakwe, alimwi azikonzya kumugwasya kutatola lubazu mutwaambo twacisi. (Int. 12:5; jr-E 125-126 ¶23-24) Ecino nceciindi cakupanga zilongwe ziyumu mumbungano.—1Pet. 4:7, 8

• Amulibambile kumubili: Amulibambilile limwi mbomukonzya kulikwabilila ikuti kamutazwi aŋanda. Alimwi akuyobola zintu ziyandika mbuli zyakulya, maanzi amusamu. Kunze lyaboobo, amulibambile ncomukonzya kucita kuti naa kwayandika kuzwa aŋanda. Kuyungizya waawo, amulange naa mukabbeeke kanu zyoonse ziyandika nkozili, zintu mbuli ma mask, maguloovu alimwi amali. Amubape manamba aanu baalu, andinywe mweelede kuba amanamba aabo.—Is. 32:2; g17.5 3-7

Nokuli manyongwe, mutaleki kucita zintu zyakumuuya. (Flp. 1:10) Mutanikweendeendi, ccita kuti kwayandika. (Mt. 10:16) Amwaabane cakulya abamwi azintu zimwi buyo.—Rom. 12:13.

AMWEEBELELE KAVIDIYO KAKUTI SENA MULILIBAMBILIDE KUJATIKIZYA NTENDA? MPOONYA MWIINGULE MIBUZYO IITOBELA:

• Ino Jehova inga watugwasya buti ciindi nokwacitika ntenda?

• Ino nzintu nzi zyacigaminina nzyotukonzya kucita kutegwa tulibambile?

• Mbuti mbotukonzya kugwasya bamwi nobacitikilwa ntenda?