Mumulimo wakwe, Jesu wakali kubelesya makani aakacitika caino-ino naakali kuyiisya. (Lk. 13:1-5) Andinywe mulakonzya kubelesya makani aakacitika caino-ino, kupa kuti bantu babe aluyandisisyo mumulumbe wa Bwami. Mwamanizya kwaamba kujatikizya zintu mbozyakatazya, ntenda, manyongwe, kubelesya misamu iikola naa makani aamwi buyo, amubuzye mubuzyo uupa kuyeeya. Mulakonzya kubuzya kuti: “Sena muyeeya kuti zintu eezyi kuli noziyoomana?” naa “Ino muyeeya kuti ncinzi cikonzya kumanizya penzi eeli?” Mpoonya, amubale kapango kamu Bbaibbele kaamba makani aayo. Ikuti naa muntu watondezya luyandisisyo, amumutondezye kavidiyo naa cakumwaya cimwi kuzwa mu Zibelesyo Nzyotubelesya Kapati Mukuyiisya. Ciindi notusolekesya kubasika aamoyo bantu bamucilawo cesu, atucite “zintu zyoonse akaambo kamakani mabotu.”—1Kor. 9:22, 23.

Ino makani nzi aakonzya kubakkomanisya bantu mucilawo canu?