“Jehova ulabakkomanina bantu bakwe.” (Int. 149:4) Nokuba kuti tatulondokede, ulabubona bube bwesu bubotu alimwi akubona zintu nzyotukonzya kucita kumbele. Pele zimwi ziindi, cilakonzya kutukatazya kubona bube bubotu mbotujisi. Inga katulimvwa kubula mpindu akaambo kambobatweendelezya bamwi. Kulubazu lumwi, ikuti twabikkila maano kukulubizya nkotwakacita kaindi, tulakonzya kutalika kudooneka naa Jehova ulatuyanda. Ncinzi cikonzya kutugwasya twatalika kulimvwa boobo?

Kamuyeeyede kuti Jehova ubona zintu nzyobatakonzyi kubona bantu. (1Sam. 16:7) Eeci caamba kuti ulakonzya kubona azintu nzyotutaboni mulindiswe. Cikkomanisya ncakuti, Bbaibbele lilatugwasya kumvwisya Jehova mbwatubona. Tulakonzya kwaamvwisya makani aaya ciindi notubala zibalo zyamu Bbaibbele izyaamba Jehova mbwabayanda bakombi bakwe.

AMWEEBELELE KAVIDIYO KAKUTI KOUSYOMEZYA MOYO WAKO KUMBELE LYA JEHOVA, MPOONYA MWIINGULE MIBUZYO IITOBELA:

• Ino cikozyanyo casikubalika alimwi abausyi cituyiisya nzi kujatikizya mbwatubona Jehova?

  Your answer

• Kuti muntu iwacita cintu cipati wabweza ntaamu zyeelede kutegwa abambulule cilongwe cakwe a Jehova, mbuti mbwakonzya kusyomezya moyo wakwe kumbele lya Leza?—1Joh. 3:19, 20

  Your answer

• Mbuti mukwesu mbwaakagwasyigwa kwiinda mukubala alimwi akuzinzibala kuyeeya zibalo zyaamba Davida a Jehosafati?

  Your answer