Tacitugambyi ciindi zintu zicitika nozisololela kukubula mali nyika yoonse. Nkaambo nzi? Akaambo kakuti tupona kumamanino kwini kwamazuba aamamanino alimwi Bbaibbele litucenjezya kutaba abulangizi “mulubono lutasyomeki.” (1Tim. 6:17; 2Tim. 3:1) Ino cikozyanyo ca Mwami Jehosafati cituyiisya nzi caboola kukulibambila kujatikizya ziindi zyakubula mali?

Ciindi nobakamukonga basinkondonyina, Jehosafati wakasyoma Jehova. (2Mak. 20:9-12) Pele alimwi wakabweza ntaamu yacigaminina kwiinda mukuyumya minzi alimwi akubikka nkambi zyabasikalumamba munyika. (2Mak. 17:1, 2, 12, 13) Mbubwenya mbuli Jehosafati, tweelede kusyoma Jehova pele alimwi akubweza ntaamu yacigaminina iikonzya kutugwasya muziindi zyamapenzi.

AMWEEBELELE KAVIDIYO KAKUTI SENA MULILIBAMBILIDE KUJATIKIZYA NTENDA? MPOONYA MWIINGULE MIBUZYO IITOBELA:

• Ncinzi ncotukonzya kucita lwesu kutugama ikulibambila ntenda?

  Your answer

• Mbuti mbotukonzya kulibambila kugwasya bamwi?

  Your answer