Bacizyi balalyaaba kapati mumulimo wa Bwami. (Int. 68:11) Balasololela ziiyo zya Bbaibbele zinji izyaaŋanda alimwi bunji bwabo mbapainiya baciindi coonse. Alimwi kuli mweelwe mupati wabacizyi ibabeleka canguzu muma Beteli, mubumisyinali, mumayake, alimwi amumulimo wabusanduluzi. Bacizyi basimide balaiyaka mikwasyi yabo alimwi ambungano. (Tus. 14:1) Nokuba kuti bacizyi tabakonzyi kuba baalu naa bakutausi, balakonzya kulibikkila mbaakani mumbungano. Ikuti naa muli mucizyi, nzintu nzi nzyomukonzya kucita kutegwa mucite zinji mumulimo wa Jehova?

• Amube abube bubotu bwakumuuya.—1Tim. 3:11; 1Pet. 3:3-6

• Amubagwasye bacizyi bamumbungano ibatanaba aluzyibo lunji.—Tit. 2:3-5

• Amusolekesye kuyungizya ciindi ncomubelesya kutola lubazu mubukambausi alimwi akuyungizya luzyibo

• Amwiiye mwaambo uumbi

• Amulongele kubusena bubulide

• Amulembele kuyoobelekela ku Beteli naa kugwasyilizya mukuyaka masena aakucitila milimo yakumuuya

• Amulembele ku Cikolo Cabakambausi ba Bwami

AMWEEBELELE KAVIDIYO KAKUTI “BAMAKAINTU IBABELEKA CANGUZU MU MWAMI,” MPOONYA MWIINGULE MUBUZYO UUTOBELA:

• Ino twaambo ntobaamba bacizyi twamukulwaizya buti?