Mipailo mibotu ili mbuli tununkilizyo tununkilila kabotu itwakali kuumpwa lyoonse kumbele lya Jehova kutempele. (Int. 141:2) Ciindi notwaambila Taateesu wakujulu kuti tulamuyanda akumulumba, notumwaambila zintu zitulibilisya anzyotulombozya, alimwi anotumulomba busolozi, tutondezya kuti tulacilemeka cilongwe ncotujisi anguwe. Masimpe kuti, mipailo mifwaafwi njotupaila kubuleya kumiswaangano yesu, Jehova wiibona kuti ncibeela cabukombi bwesu. Nokuba boobo, cilamukkomanisya kapati ciindi notumwaambila zyoonse zili kumoyo akupaila kulinguwe kwaciindi cilamfwu!—Tus. 15:8.

AMWEEBELELE KAVIDIYO KAKUTI NDILAPAILA LYOONSE, MPOONYA MWIINGULE MIBUZYO IITOBELA:

• Ino milimo nzi Mukwesu Johnson njaakabeleka?

• Mbuti Mukwesu Johnson mbwaakatondezya kuti ulamusyoma Jehova?

• Nzikozyanyo nzi nzyomwaiya kucakuluula ca Mukwesu Johnson?