KUPONA BUUMI BWA BUNAKRISTO
Mbomukonzya Kupa Bwiinguzi Bubotu
Bwiinguzi bubotu bupa kuti mbungano iyakwe. (Rom. 14:19) Alimwi bugwasya baabo babupa. (Tus. 15:23, 28) Aboobo, tweelede kusola kupa bwiinguzi nociba ciindi comwe amiswaangano imwi aimwi. Masimpe kuti tatukapegwi coolwe cakwiingula ciindi cili coonse ncotwatambika. Aboobo, ncibotu kulibambila bwiinguzi buli mbobubede.
Bwiinguzi bubotu . . .
-
mbuuba-uba, tabukatazyi kumvwa, alimwi mbufwaafwi. Ziindi zinji, inga bwapegwa mutuvwalu-vwalu tuli 30 naa kutasika aawo
-
bulapegwa kubelesya majwi aanu
-
tabupegwi kwiinda mukwiinduluka caambwa kale
Ikuti mwapegwa coolwe cakusaanguna kwiingula, . . .
-
amupe bwiinguzi buuba-uba, bugaminide kwiingula mubuzyo
Ikuti bwiinguzi bwaingulwa kale, mulakonzya . . .
-
kutondezya lugwalo lubikkidwe mbolweendelana akaambo kali mukubandikwa
-
kwaamba kaambo aako mbokabujatikizya buumi bwesu
-
kupandulula makani mbwaakonzya kubelesyegwa
-
kwaamba mubufwaafwi cakuluula caamba kaambo kapati
