KUPONA BUUMI BWA BUNAKRISTO
Luyando Ndoluzyibya Banakristo Bakasimpe—Mutanooliyandi Alimwi Mutanoonyemi-nyemi
IKAAMBO NCOCIYANDIKA: Jesu wakayiisya kuti basikwiiya bakwe bayoozyibwa akaambo kaluyando. (Joh. 13:34, 35) Kutegwa tutondezye luyando mbuli lwa Kristo, tweelede kubikkila maano kuzintu nzyobayanda bamwi alimwi akweeleba kunyema-nyema.—1Kor. 13:5.
MBOMUKONZYA KUCITA OOBO:
-
Ciindi umwi naamba naa kucita cintu citucisizya moyo, amwiime asyoonto akuyeeya capa kuti kube penzi eelyo alimwi azintu zikonzya kucitika ikuti naa mwacita eeco ncomuyeeya.—Tus. 19:11
-
Amuyeeye kuti toonse tatulondokede, alimwi zimwi ziindi tulaamba naa kucita zintu izitupa kuusa kumbele
-
Amufwambaane kumana mazwanga
AMWEEBELELE KAVIDIYO KAKUTI “AMUBE ALUYANDO AKATI KANU”—MUTANOOLIYANDI ALIMWI MUTANOONYEMI-NYEMI, MPOONYA MWIINGULE MIBUZYO IITOBELA:
-
Ino ba Malambo bakaciindizya buti kunyema akaambo kamuzeezo ngobakapa ba Munkombwe?
-
Ino kwiima asyoonto akuzinzibala kuyeeya kwakabagwasya buti ba Munkombwe kutegwa bataciindizyi kunyema?
-
Ino bwiinguzi mbobakapa ba Munkombwe bwakagwasya buti kutegwa kutabi mazwanga?
Ino mbungano igwasyigwa buti ciindi notuzumanana kukkazika moyo kuti umwi naatunyemya?
