KUPONA BUUMBI BWA BUNAKRISTO
Luyando Ndoluzyibya Banakristo Bakasimpe—Amukakkomanine Kasimpe
IKAAMBO NCOCIYANDIKA: Kwiinda mukwiiya Jesu, tweelede kupa bumboni kujatikizya kasimpe kalo ikaamba makanze aa Leza. (Joh. 18:37) Alimwi tweelede kukakkomanina kasimpe, kwaamba masimpe alimwi akuyeeyesya zintu zili zyoonse zyamasimpe, nokuba kuti tukkala munyika iizwide bubeji alimwi akutalulama.—1Kor. 13:6; Flp. 4:8.
MBOMUKONZYA KUCITA OOBO:
-
Amube amakanze aakutaswiilila naa kumwaya makani aakuvwiya.—1Tes. 4:11
-
Tamweelede kukkomana akaambo kamapenzi aacitikila bantu bamwi
-
Amukkomanine zintu zili kabotu, izikulwaizya
AMWEEBELELE KAVIDIYO KAKUTI “AMUBE ALUYANDO AKATI KANU”—MUTANOOKKOMANINI KUTALULAMA, PELE KAMUKKOMANINA KASIMPE, MPOONYA MWIINGULE MIBUZYO IITOBELA:
-
Ino muunzila nzi ba Mutinta ‘mobakakukkomanina kutalulama’?
-
Mbuti ba Chipo mbobakaunyona mubandi ngobakajisi aba Mutinta munzila mbotu?
-
Ino nzintu nzi zimwi zibotu nzyotukonzya kubandika?
Amukkomanine kasimpe, ikutali kutalulama