Bakamboni ba Jehova bajisi coolwe caalubazu. Mbotuli Banakristo balyaabide alimwi babbapatizyidwe, tulazumanana kuyumya cilongwe cesu a Mwami Singuzuzyoonse Jehova. Wakatukwelela kulinguwe kwiinda mu Mwanaakwe. (Joh. 6:44) Ulaiswiilila mipailo yesu.—Int. 34:15.

Mbuti mbotukonzya kucikwabilila cilongwe cibotu ncotujisi a Leza? Cakusaanguna, tweelede kutantamuka zintu zitali kabotu nzyobakali kucita bana Israyeli. Nokwakainda buyo kaindi kasyoonto kuzwa nobakanjila mucizuminano a Jehova, bakapanga moombe wangolida akuba basikukomba mituni. (Kul. 32:7, 8; 1Kor. 10:7, 11, 14) Aboobo tulakonzya kulibuzya kuti: ‘Ino ndicita buti ciindi nondasunkwa kucita cintu citali kabotu? Sena nzyondicita zilatondezya kuti ndilacibikkila maano cilongwe ncondijisi a Jehova?’ Luyando ndotujisi kuli Taateesu wakujulu luyootugwasya kutija zintu zyasulaika.—Int. 97:10.

AMWEEBELELE KAVIDIYO KAKUTI AMUCIKWABILILE CILONGWE CANU A JEHOVA (KOL. 3:5), MPOONYA MWIINGULE MIBUZYO IITOBELA:

• Ino kulikumbuzya caamba nzi?

• Nkaambo nzi ncotweelede kutantamuka busyaacivwulemwangu alimwi akukomba mituni?

• Ino bumambe alimwi akukomba mituni ziswaangene buti?

• Nkaambo nzi kwaambisya aabo ibajisi mikuli mumulimo wa Leza ncobeelede kulanganya ziyandika zyamuntu ngobakwetene limwi?