KUPONA BUUMI BWA BUNAKRISTO
Kuyungizya Luzyibo Lwesu Mumulimo Wakukambauka —Amubakulwaizye Aabo Batondezya Luyandisisyo Kuti Kabajanika Kumiswaangano
KAAMBO NCOCIYANDIKA: Kumiswaangano tulijisi coolwe ‘cakwiimbila Jehova akumutembaula.’ (Int. 149:1) Lyamiswaangano, tuyiisyigwa kucita kuyanda kwa Leza. (Int. 143:10) Bantu ibalaaluyandisisyo alimwi abasikwiiya Bbaibbele kanji-kanji balaunka ambele ciindi nobatalika kujanika kumiswaangano.
MBOTUKONZYA KUCITA OOBO:
-
Amubatambe kakucili kumatalikilo. Tamweelede kulindila kuti mane cikabe ciiyo ca Bbaibbele cisitikide.—Ciy. 22:17
-
Amumupandulwide muntu ulaaluyandisisyo ncayelede kulangila alimwi aziyoobandikwa kumiswaangano iitobela. Zibelesyo eezyi zitobela inga zyagwasya: kapepa kakutamba muntu kumiswaangano, vidiyo yakuti Ino Ncinzi Cicitika Kuŋanda ya Bwami?, alimwi abroshuwa ya Kuyanda kwa Jehova ciiyo 5 a 7
-
Amumugwasye. Sena muntu ulaaluyandisisyo uyandika kubwezyegwa mumootokala naa uyandika kugwasya kusala zisani zyeelede? Amukkale anguwe kumiswaangano, akubelesya mabbuku antoomwe. Amumuzyibye kuli bamwi