6:9-11, 25-27, 54, 66-69

Ciindi Jesu naakaamba citondezyo icakabakatazya kumvwisya basikwiiya bakwe, bamwi bakatyompwa akuleka kumutobela. Pesi kwakaindide buyo buzuba bomwe kuzwa ciindi Jesu naakabasanina camaleele, ikubatondezya kuti nguzu nzyaakabelesya zyakazwa kuli Leza. Pele ino nkaambo nzi ncobakatyompwa? Kulangilwa kuti makanze ngobakajisi aakutobela Jesu tanaakali kabotu. Bakali kumutobela buyo akaambo kakuyanda kugwasyigwa kumubili.

Umwi aumwi wesu weelede kulibuzya kuti: ‘Nkaambo nzi ncondimutobela Jesu? Sena nkaambo buyo kazilongezyo nzyotujisi lino alimwi azyakumbele? Naa sena nkaambo kaluyando ndondijisi kuli Jehova alimwi akuyanda kumukkomanisya?’

Nkaambo nzi ncotukonzya kutyompwa ikuti naa katubelekela Jehova akaambo buyo katwaambo ootu tuli ansi aawa?

• Kukkomanina kuba antoomwe abantu ba Jehova

• Kuyanda kuyoopona mu Paradaiso