AMUSUNGWAALE MUMULIMO WAMUMUUNDA | AMUYUNGIZYE LUKKOMANO LWANU MUBUKAMBAUSI
Amuluzumine Lugwasyo lwa Babelesinyoko
Kutegwa atugwasye, Jehova watupa ‘ciinga coonse’ cabakwesu abacizyi. (1Pet. 5:9) Balakonzya kutugwasya kuzuzikizya mulimo wesu noliba leelyo notujana buyumuyumu. Mucikozyanyo, mwaapostolo Paulo wakagwasyigwa a Akula alimwi a Purisila, Sila, Timoteyo, alimwi abamwi buyo.—Mil. 18:1-5.
Mbuti babelesinyoko mbobakonzya kumugwasya mumulimo? Balakonzya kumupa mizeezo iikonzya kumugwasya kubandika amuntu uusola kusinkila mubandi, kupanga nyendo zyakupilukila, naa kutalisya alimwi akusololela ziiyo zya Bbaibbele. Amulombe lugwasyo kumuntu umwi mumbungano ngomuyeeyela kuti inga wamugwasya. Cakutadooneka, nyoonse muyoogwasyigwa, alimwi muyooyungizyilana lukkomano.—Flp. 1:25.
AMWEEBELELE KAVIDIYO KAKUTI AMUJANE LUKKOMANO LUBOOLA AKAAMBO KAKUGWASYA BAMWI KUBA BASIKWIIYA—AMULUZUMINE LUGWASYO LWA JEHOVA—BAKWESU, MPOONYA MWIINGULE MIBUZYO IITOBELA:
-
Mbuti Neeta mbwaakasola kukulwaizya Jade kujanika kumiswaangano yambungano?
-
Nkaambo nzi ncotweelede kuunka abasikumwaya bamwi kuciiyo ca Bbaibbele?
-
Mbungano yoonse ilijatikizyidwe mukugwasya muntu kuba sikwiiya
Nzintu nzi nzyobakali kukkomanina ba Abigay a Jade?
-
Ino muunzila nzi babelesinyoko mobakonzya kumugwasya kusumpula mulimo wanu?
