Ikuti mulimo watukatazya kujana, cilakonzya kutuyumina kubikka Bwami abululami bwa Leza mubusena bwakusaanguna mubuumi bwesu. Tulakonzya kusunkwa kuzumina mulimo uukonzya kupa kuti citukatazye kubelekela Jehova naa kutobela njiisyo zyamu Bbaibbele. Pele, tulisinizyide kuti Jehova ulatondezya nguzu zyakwe “kugwasya baabo bamusyoma camoyo woonse.” (2Mak. 16:9) Kunyina cikonzya kumulesya Taateesu siluyando kutugwasya akutupa nzyotuyandika. (Rom. 8:32) Aboobo, notusala mulimo, tweelede kumusyoma Jehova akubikkila maano kukumubelekela.—Int. 16:8.

AMWEEBELELE KAVIDIYO KAKUTI AMUBELEKELE JEHOVA CAMOYO WOONSE, MPOONYA MWIINGULE MIBUZYO IITOBELA:

• Nkaambo nzi ba Jason ncobakakakila cisinkamulomo?

• Ino lugwalo lwa Bakolose 3:23 lutujatikizya buti swebo?

• Mbuti cikozyanyo cibotu caba Jason mbocakabajatikizya ba Thomas?

• Ino lugwalo lwa Matayo 6:22 lutujatikizya buti swebo?