Mu 1985, kandijisi myaka yakuzyalwa iili 18, beendelezi ba Soviet bakandinjizya mulimo wabusikalumamba. Ndakali kupenga kapati mumizeezo akaambo kakutalulama alimwi akudyaaminina ikwakali kucitwa mumulimo wabusikalumamba cakuti ndakalyambauzya kuti: ‘Tandiyandi kuba mbuli mbabo. Ndiyanda kwiindana ambabo.’ Pele ndakali kulimvwa kuti tiindakali kucita zintu kweelana ambondakali kuyanda. Ndakali kuyandisisya kucinca mubuumi bwangu.

Nondakamanizya mulimo wabusikalumamba, ndakapiluka kuŋanda. Busiku bumwi nolyakamana pobwe, ndakapaila kuli Leza kutegwa andigwasye kucinca. Buzuba bwakatobela nondakali kuunka kumulimo, ndakaswaya bacizyi babataata ibakali Bakamboni ba Jehova. Nondakanjila muŋanda yabo, ndakajana kakamu kasyoonto ka Bakamboni ibakabungene kucita ciiyo cabbuku. Bakanditambula amaanza obilo, aboobo ndakakkala kutegwa ndiswiilile.

Ndakazumina ciiyo ca Bbaibbele, mpoonya nokwakainda myezi iili cisambomwe ndakabbapatizyigwa. Jehova wakandigwasya kuba muntu uuli kabotu, ikucinca nkondatakali kukonzya kucita munguzu zyangu ndelikke