Zintu Zikondelezya Izyakacitika Mwakali
CIINDI nyika ya Saatani noicitikilwa mapenzi aindene-indene, bakombi ba Jehova bakasimpe balazumanana ‘kuba azintu zinji zyakucita mumulimo wa Mwami.’ (1Kor. 15:58) Lipooti iitobela itondezya Bakamboni ba Jehova munyika yoonse mbobatondezya kuti balasolekesya ‘kusyoma Jehova . . . , kucita zintu zibotu . . , alimwi akusyomeka mumilimo yabo.’—Int. 37:3.
Kulonzya Maofesi Mapati Alimwi a Ofesi Yamutabi
Mulimo wakukomezya mayake aali ku Wallkill, New York, wakamana mu February 1, 2016, calo icakapa kuti cikonzyeke kuti bamu Kkomiti Yamutabi waku United States, Kkomiti Yamulimo, alimwi amadipatiment amwi aamutabi waku United States balongele nkuko. Alimwi akaambo kakuti mulimo wakuyaka maofesi mapati ku Warwick wasika kumamanino, mukwasyi wa Bbeteli ku Brooklyn wakatalika mulimo mupati wakulonga kuzwa mu New York City kuya kunze aadolopo.
Mu Monday, April 3, 2017, bantu bayootalika kuzumizyigwa kuswaya maofesi mapati aali ku Warwick, masena aakuswaya ayoobikkilizya amamuziyamu otatwe kwalo basikuswaya nkobanikuunka balikke kakunyina uubasindikila alimwi amasena aambi nkobanoosindikilwa buya nobayaabulanga-langa zintu alimwi azicitika.
-
“Bbaibbele a Zina lya Leza” mbusena bwakuswaya ibutondezya ma Bbaibbele alimwi butondezya kuti zina lya Leza lyeelede kujanika mu Bbaibbele.
-
“Bantu baitwa Azina lya Jehova” mbusena bwakuswaya ibutondezya makani aakaindi aajatikizya Bakamboni ba Jehova, bulatondezya Jehova mbwaali kubasololela, kubayiisya, alimwi akubeendelezya munzila iiyaambele kuti bacite kuyanda kwakwe.
-
“Maofesi Mapati—Ikutondezya Lusyomo” mbusena ibutondezya mulimo ngwaacita makkomiti aa Kabunga Keendelezya kugwasya bantu ba Jehova kuti kabaswaangana antoomwe, kugwasya bantu kuba basikwiiya, kulya cakulya cakumuuya, alimwi akutondezya luyando kuli umwi amweenzyinyina.
Kweendeenda ooku kuyaabubona zintu alimwi azicitika kakunyina kusindikilwa kunoocitika kuzwa mu Muhulo kusikila muli Bwasanu kutalikila aciindi ca 8:00hrs kusikila 16:00hrs. Beenzu alimwi banookukkomanina kuswaya zibeela zimwi zyamaofesi ankoibelekelwa milimo imwi iigwasya bamukwasyi wa Bbeteli kubikkilizya alubuwa lwa Bbeteli kumwi kabali amuntu uubeenzyeenzya kwamaminiti aali 20. Kuswaya zibeela ziindene-indene kwakusindikilwa buya kunootalika mu Muhulo kusikila muli Bwasanu kutalika aciindi ca 8:00hrs kusikila 11:00hrs alimwi kuzwa 13:00hrs kusikila 16:00hrs.
Kamutanatalika kulibambila kuti mukaswaye, mwalombwa kulanga a jw.org ansi aakatwe kakuti ABOUT US > OFFICES & TOURS > United States.
MUCIBEELA EECI
Kuubikka Mubusena Bwakusaanguna Mulimo Wakukambauka Nyika Yoonse
Ino mbuti ibakaambilwa kuzwa a Bbeteli mbobacikonzya kucinca kweelena abukkale bwabo bupya mulimo wakukambauka?
“Muli Basimukoboma Bali Kabotu Kapati”
Mubuzuba bwa Mujibelo amu Nsondo mu May 7 a 8, 2016, kwakali kweebelela zintu zyakaindi nzyotujisi kujatikizya Bbaibbele kwalo ikwakapa bumboni bubotu kubantu bakkala munsi-munsi a Bbeteli yaku Brooklyn.
Muswaangano Mupya wa Buumi Amulimo Wesu wa Bunakristo
Mu January 2016, kwakaba kucinca kujatikizya mboicitwa miswaangano yambungano yamukati kansondo nyika yoonse.
Pulogilamu ya JW Broadcasting ‘Ilatuyumya-yumya Akutukatalusya!’
JW Broadcasting yakatalika mu 2014 alimwi lino ilamwaigwa mumyaambo iinda ku 90. Ino bantu ibayeebelela balimvwa buti?
Kwaaba Mitabi
Kwaabwa kwamaanda aamutabi mapya ku Armenia aku Kyrgyzstan cakali ciindi cikkomanisya kuli Bakamboni bamuzisi eezyi.
Lipooti Yaamba Zyalubeta Yamu 2016
Ino ntwaambo nzi twalubeta ntobakayaanya Bakamboni ba Jehova mu 2016?
Milumbe
Makani aamba zyamulimo wa Bakamboni ba Jehova ku Argentina, Belize, Burundi, Congo (Kinshasa), Germany, Italy, Nepal, Papua New Guinea, alimwi aku Uganda.
