Imalelo Alwana Nyika Yakasyomezyegwa

SAMARIYA, imunzi mupati wabwami bwa Israyeli bwakunyika wakazundwa abana Asuri mu 740 B.C.E. Aboobo bana Israyeli bakatalika kweendelezyegwaa bulelo bwalunya. Asuri yakali kunyika, kumamanino aazibanda zyaku Mesopotamiya, afwaafwi amulonga wa Tigrisi, iwakali umwi wamilonga mipati mucooko ca Nyika Yambolezi. Nimrodi nguwakayaka minzi mipati yamu Asuri mbuli Nineve alimwi a Kala. (Ma 10:8-12) Kuciindi ca Salimaneseri Watatu, bwami bwaba Asuri bwakakomena kuya kumbo, mane bwaakusika kucooko cakali citete lyoonse alimwi cambolezi caku Aramu alimwi a Israyeli nkoili kunyika.

Mubweendelezi bwa Mwami Tigilati-Pilesere Watatu (Pul), iwaambwa mu Bbaibbele, icisi ca Asuri cakatalika kupenzya bana Israyeli. Ikusaala kwakwe alimwi kwakacijatikizya acisi ca Juda kumusanza. (2Ba 15:19; 16:5-18) Muciindi, ikupaya kwa “maanzi” aaku Asuri kwakasika ku Juda, alimwi mane muciindi akumunzi mupati Jerusalemu.—Is 8:5-8.

Imwami wa Asuri Sanakeribu wakalwana Juda mu 732 B.C.E. (2Ba 18:13, 14) Wakalwana akuzunda minzi yamu Juda iili 46, kubikkilizya a Lakisi, imunzi wakali aabusena bubotu kulwanina nkondo iwakali munyika yatulundulundu ya Shephelah. Mbubwenya maapu mbwiitondezya, basinkondo bakwe bakali kusyule kwamunzi wa Jerusalemu, calo icaamba kuti bakali uzingulukide munzi wa Juda mupati. Mumakani aaciindi aajatikizya nguwe, Sanakeribu waambwa kuti wakalisumpula kaamba kuti wakacita kuti Hezekiya abe “mbuli kayuni mucizangala,” pele imakani aaku Asuri kunyina naabandika zyakunyonyoonwa kwabasikalumamba ba Sanakeribu ikwakacitwaa mungelo wa Leza.—2Ba 18:17-36; 19:35-37.

Imazuba aa Bulelo bwa Asuri akali kuyoogola. Bana Medi, ibakali kukkala kubusena bwamilundu sunu kwiitwa kuti ncisi ca Iran, bakatalika kulwisya ibakasyeede mumpi yabana Asuri. Eeci cakapa kuti Asuri abikkile maanu kuzyooko zyakumbo, azyalo izyakatalika kuzanga. Nozyakali kucitika eezyo, abalo bana Babuloni bakali kuyaabubaa nguzu, cakuti bakauzunda amunzi wa Asuri. Mu 632 B.C.E., Nineve—“munzi wabulowa”—wakasaalwa akunyonyoonwa ankamu zyakalibunga izyabana Babuloni, ba Medi alimwi aba Skuti, ibantu basinkondo bazwa kunyika kwa Lwizi Lusiya. Eezi zyakazuzikizya businsimi bwa Nahumu alimwi a Zefaniya.—Na 3:1; Zf 2:13.

Ikunyonyookela limwi kwa Asuri kwakacitikila ku Harani. Nobakalwanwa ampi zyabana Babuloni ibakali, bana Asuri bakasola kuliyumya kusikila leelyo nobakali kunoogwasyigwa abana Egepita. Pele naakali kuya kunyika, Farao-neko wakasinkililwa ku Megido a Mwami wa Juda Josiya iwakamukazya. (2Ba 23:29) Eelyo kumamanino Neko naakasika ku Harani, kwakaba kumuka—Ibulelo bwa Asuri bwakalizundidwe kale.

Bulelo bwa Babuloni

Ino mmunzi nzi ngomuyeeya nomumvwa kaambo kakuti “myuunda yamujulu”? Ngu Babuloni, imunzi mupati wabulelo bwakali kweendelezya nyika alimwi mubusinsimi ibutondezyedwe mbuli syuumbwa uujisi mababa. (Da 7:4) Imunzi ooyo wakalaampuwo akaambo kabuvwubi, makwebo, ikuvwula kwazikombelo alimwi alwiiyo lwabweende bwanyenyeezi izyakali kucitwa mulinguwo. Ibulelo oobo bwakali muzibanda zyantope zyakumusanza kwa Mesopotamiya, akati kamulonga wa Tigrisi alimwi awa Firate. Imunzi ooyo wakali mumbazu zyoonse zyobile zya Mulonga wa Firate, alimwi imalambo  aawo akapa kuti kulibonye mbuli kuti taukonzyeki kusaalwa.

Bana Babuloni bakapanga nzila zyamakwebo mucimpayuma camampangala cakunyika kwa Arabiya. Ciindi cimwi, Mwami Nabanidus wakakkala ku Tema akulekela Belisazara kuti ayendelezye ku Babuloni.

Babuloni yakasaala Kanana ziindi zyotatwe. Nebukadinezara naakazunda bana Egepita ku Karikemesi mu 625 B.C.E., bana Babuloni bakatozya kumusanza ku Hamati ooko nkobakazunda bana Egepita bakali kupiluka. Mpoonya bana Babuloni bakaselemuka kutobelezya nkomwe yakalonga kuya ku Egepita, banyonyoona munzi wa Asikeloni munzila. (2Ba 24:7; Je 47:5-7) Mukusaala ooku, Juda wakakwabililwa a Babuloni.—2Ba 24:1.

Mwami Joyakimu wa Juda wakazanga mumwaka wa 618 B.C.E. Mpoonya Babuloni wakatuma mpi zyamasi aakeengelede kuti alwisye Juda, alimwi noziba mpi zya Babuloni zini zyakazinguluka akuzunda Jerusalemu. Kakutanainda ciindi cilamfwu kuzwa leelyo, ikwiinda mukuswaanganya bwami bwakwe kubwami bwa Egepita, Mwami Zedekiya wakapa kuti bana Babuloni balutile kapati kujatikizya Juda. Bakaboola kuzyoosaala alimwi akutalika kunyonyoona minzi ya Juda. (Je 34:7) Kumamanino, Nebukadinezara wakalailila mpi yabasikalumamba bakwe kuti bagame ku Jerusalemu, eelyo bakainyonyoona mu 607 B.C.E.—2Mk 36:17-21; Je 39:10.

[Kabbokesi kali apeeji 23]

MABBUKU AA BBAIBBELE AAKALEMBWA KUZWA KUCIINDI EECI AKALI:

Hosea

Isaya

Mika

Tusimpi (cibeela buyo)

Zefaniya

Nahumu

Habakuku

Malilo

Obadiya

Ezekieli

1 a 2 Bami

Jeremiya

[Maapu iili apeeji 23]

(Kutegwa mubone bwini mbwaakkede mabala, amubone bbuku lini)

Bwami bwa Babuloni/Asuri

Bwami bwa Asuri

B4 Mofi (Nofi)

B4 Zoani

B5 EGEPITA

C2 KUPRO (KITIMU)

C3 Sidoni

C3 Turo

C3 Megido

C3 Samariya

C4 Jerusalemu

C4 Asikeloni

C4 Lakisi

D2 Harani

D2 Karikemesi

D2 Aripadi

D2 Hamati

D3 Ribila

D3 ARAMU

D3 Damasko

E2 Gozani

E2 MESOPOTAMIYA

F2 MINI

F2 ASURI

F2 Khorsabad

F2 Nineve

F2 Kala

F2 Asuri

F3 BABULONIA

F3 Babuloni

F4 N. Y. KASIDI

F4 Ereki

F4 Uri

G3 Susani

G4 ELAMU

Bwami bwa Babuloni

C3 Sidoni

C3 Turo

C3 Megido

C3 Samariya

C4 Jerusalemu

C4 Asikeloni

C4 Lakisi

F2 MINI

D2 Harani

D2 Karikemesi

D2 Aripadi

D2 Hamati

D3 Ribila

D3 ARAMU

D3 Damasko

D5 Tema

E2 Gozani

E2 MESOPOTAMIYA

E4 ARABIYA

F2 ASURI

F2 Khorsabad

F2 Nineve

F2 Kala

F2 Asuri

F3 BABULONIA

F3 Babuloni

F4 N. Y. KASIDI

F4 Ereki

F4 Uri

G3 Susani

G4 ELAMU

[Masena aamwi]

G2 MEDIYA

[Migwagwa Mipati] (Amubone bbuku lini)

[Zizyiba zyamaanzi]

B3 Lwizi lwa Mediterranean (Lwizi Lupati)

C5 Lwizi Lusalala

H1 Lwizi lwa Caspian

H5 Kankolola ka Persia

[Milonga]

B5 Nile

E2 Firate

F3 Tigrisi

[Cifwanikiso icili apeeji 22]

Mubundu wamatongo aa Lakisi

[Cifwanikiso icili apeeji 22]

Cikozyanyo ca Megido yansiku

[Cifwanikiso icili apeeji 23]

Imuzeezo wamboyakabede myuunda yamujulu yaku Babuloni