Inyika Yabamatata

STEFANO wakatalisya mubandi wakwe uudumide kwiinda mukubandauka masena amwi aakaliko ncobeni ategwa: “[Jehova] wakalibonya kuli-Abrahamu tateesu naakali ku-Mesopotamiya, katana kukala ku-Harani, [eelyo] wakamwaambila kuti, Kozwa . . . uye kucisi ncenti kakutondezye ncico.” (Ic 7:1-4) Imalailile aaya akaba ngamatalikilo aazintu zipati zyakacitika mu Nyika Yakasyomezyegwa izijatikizya Abrahamu, Izaka alimwi a Jakobo iziswaangene amakanze aa Leza aakulongezya bantu.—Ma 12:1-3; Jos 24:3.

Leza wakaita Abrahamu (naa Abramu) kuzwa ku Uri waba Kasidi, nkokuti imunzi wakavwubide kapati ciindi eeco iwakali kujwe kwankomwe ya Mulonga wa Firate. Ino ninzila nzi njaakali kunootobela Abrahamu? Kuzwa kunyika yaba Kasidi, icooko alimwi ciitwa kuti Sumer naa Sinara, inga caboneka kuti cakali cuuba-uba ikwiile kugama kumbo. Ino muntu inga waindila nzi nzila ndamfwu iitozya ku Harani?

Munzi wa Uri wakali kumamanino aacooko ca Nyika Yambolezi, icooko icigogomene mbuli cisela camubalo kuzwa ku Palesitaini kusikila kumilonga ya Tigrisi alimwi a Firate. Ibusena oobu bulangilwa kuti tiibwakali kupisya pe. Kumusanza kwacooko eeco cigogomene kwakali Cimpayuma cakali ku Aramu alimwi a Arabiya, icakajisi zilundu zyamabwe aatuba alimwi azibanda zyamusenga. Ibbuku litegwa The Encyclopædia Britannica lyaamba kuti cakali mbuli “cisinkilizyo citakonzyeki kwiindwa” akati ka Nkomwe ya Mediterranean alimwi a Mesopotamiya. Ibasambazi naa basimweenda nzila ibeenda amankamela balakonzya kucikosola cimpayuma kuzwa ku Firate kusika ku Tadimori mpoonya akusika ku Damasko, pele Abrahamu tanaakainzya mukwasyi wakwe amatanga mucimpayumya cili boobo.

Muciindi caboobo, Abrahamu wakaunka kumumpata wa Mulonga Firate ku Harani. Kuzwa kooko wakali kukonzya kutobela nzila yabasimakwebo kusika kucito catakajisi meenda malamfwu ku Karikemesi, mpoonya akutozya kumusanza kwiinda ku Damasko akuzumanana kuyoosika kubusena bwakazyikwiitwa kuti Lwizi lwa Galilaya. Inzila iitegwa Via Maris, naa “Nzila ya Lwizi,” yakazumanana kusika ku Megido alimwi mane do ku Egepita. Nokuba boobo, Abrahamu wakainda mumalundu aaku Samariya, akuzyookkala mumatente ku Sekemu. Muciindi, wakazumanana kweenda kuya kumusanza munzila eeyo yiinda mumalundu. Mulakonzya kwiitobelezya nzila yakwe amaapu mbomutobelezya masena aambwa nomubala Matalikilo 12:8–13:4. Amwaabone aalo masena aambi nkwaakacitikilwa zintu zinji nkokuti: Dani, Damasko, Hoba, Mamre, Sodoma, Gerari, Beereseba alimwi a Moriya (Jerusalemu).—Ma 14:14-16; 18:1-16; 20:1-18; 21:25-34; 22:1-19.

Ikuziba nkwaakabede masena kutupa kuziteelela kabotu zintu zyakacitikila Izaka alimwi a Jakobo. Mucikozyanyo, eelyo Abrahamu naakali ku Beereseba, ino nkuukuli  nkwaakatuma mulanda wakwe kuti akajanine Izaka mukaintu? Kwakali kunyika ku Mesopotamiya (ibbala lyaamba kuti, “Nyika Iili Akati ka Milonga”) kucooko ca Padanaramu. Lino amweezeezye mbowakali kukatazya kuli Rabeka imusinzo wakweenda aankamela ikwiinda ku Negebi, akwiinda munsi aa Kadesi kutegwa akaswaanganye Izaka.—Ma 24:10, 62-64.

Kumbele imwana wa Izaka a Rabeka, Jakobo (Israyeli) awalo wakeenda musinzo mulamfwu kutegwa akakwate muntu uukomba Jehova. Jakobo walo wakabelesya nzila iimbi naakali kupilukila kwabo. Naakamana kuzabuka kalonga ka Jaboki afwaafwi a Penueli, Jakobo wakatingaana amungelo. (Ma 31:21-25; 32:2, 22-30) Oobo mbobusena nkwaakamuswaanganya Esau, mpoonya bakaandaana akuyookkalila mumasena aaindene.—Ma 33:1, 15-20.

Naakazwaa kujatwa akubisyigwa imwanaa Jakobo musimbi Dina ku Sekemu, Jakobo wakalongela ku Beteli. Pele sena inga mwakuyeeyela mbokwakali kulamfwu ooko bana ba Jakobo nkobakaunka kuyooyembelela butanga bwakwe alimwi akooko nkwaakabajana Josefa? Imaapu eeyi (alimwi amapeeji 18-19) zilakonzya kumugwasya kuzyiba mbouli mulamfwu musinzo ooyo uuli akati ka Beteli a Dotani. (Ma 35:1-8; 37:12-17) Ibana bokwabo Josefa bakamusambala kubasambazi ibakali kuunka ku Egepita. Ino muyeeya kuti bakabelesya nzila iili nocakacitika eeco kumbele icakapa kuti bana Israyeli boonse baunke ku Egepita alimwi a Kulonga kuzwa nkuko?—Ma 37:25-28.

[Mamaapu aali apeeji 7]

(Kutegwa mubone bwini mbwaakkede mabala, amubone bbuku lini)

Inyendo zya Abrahamu (amubone bbuku lini)

Inyendo zya Izaka (amubone bbuku lini)

Inyendo zya Jakobo (amubone bbuku lini)

Migwagwa Mipati (amubone bbuku lini)

Bamatata (overview)

A4 GOSENI

A5 EGEPITA

B4 SURI

B5 PARANI

C3 Damasko

C3 Dani (Laisi)

C4 Sekemu

C4 Beteli

C4 Hebroni (Kiriyati-ariba)

C4 Gerari

C4 Beereseba

C4 SEIRI

C4 Kadesi

C5 EDOMU

D1 Karikemesi

D2 Tadimori

D3 Hoba

E1 PADANARAMU

E1 Harani

F2 MESOPOTAMIYA

G1 Nineve

G2 NYIKA YAMBOLEZI

G3 Babuloni

H4 CHALDEA

H4 Uri

[Malundu]

C4 Moriya

[Zizyiba zyamaanzi]

B3 Lwizi lwa Mediterranean (Lwizi Lupati)

[Milonga]

E2 Firate

G2 Tigrisi

Bamatata (Nyika Yakasyomezyegwa)

KANANA

Megido

GILEADI

Dotani

Sekemu

Sukoti

Mahanaimu

Penueli

Beteli (Luzi)

Ai

Jerusalemu (Salemu)

Betelehemu (Efrata)

Mamre

Hebroni (Makipela)

Gerari

Beereseba

NEGEBI

Rehoboti?

Lahai-roi

Kadesi

Migwagwa Mipati

Via Maris

Mugwagwa wa Mwami

[Malundu]

Moriya

[Zizyiba zyamaanzi]

Lwizi lwa Munyo

[Milonga alimwi atulonga]

Jaboki

Jordano

Sodoma?

[Cifwanikiso icili apeeji 6]

Mulonga wa Firate munsi-munsi a Babuloni

[Cifwanikiso icili apeeji 6]

Abrahamu wakali kukkala ku Beereseba alimwi wakali kucezya butanga munsi-munsi

[Cifwanikiso icili apeeji 6]

Mumpata wakalonga ka Jaboki