Jesu “Mucisi Caba-juda”

NAAKALI kukambaukila Korneliyo, imwaapostolo Petro wakaamba nzyaakacita Jesu “mucisi caba-Juda amu-Jerusalemu.” (Ic 10:39) Mmasena nzi ngomuyeeyela kuti alibikkilizyidwe mumulimo wa Jesu uuyandika kapati iwakajatikizya bukkale bwabantu?

“Cisi caba-Juda” cakali kubikkilizya Judaya, ooko Jesu nkwaakacitila mulimo wa Leza umwi. (Mt 19:1) Naakazwaa kubbapatizyigwa, kwamazuba aali 40 Jesu wakakkala munkanda ya Juda (naa Judaya), icooko cipya kapati alimwi bunji bwaziindi cakali kweendwaa basikuzanga abasikufwumpa. (Lk. 10:30) Kumbele, Jesu wakali kweenda kaya kunyika kuzwa ku Judaya eelyo naakakambaukila mwanakazi muna Samariya munsi aamunzi wa Sukari.—Joh 4:3-7.

Ikulingulula zyakacitika mu Makani Mabotu kutondezya kuti nkwaakakambaukila bunji bwaziindi Jesu nkuu Galilaya. Nokuba kuti wakali kuunka kumusanza ku Jerusalemu lyamapobwe aamwaka, ibunji bwaziindi mumyaka yakusaanguna yobile mumulimo wakwe wakali kucitila bumboni bwakwe kucooko cakunyika kwa Nyika Yakasyomezyegwa. (Joh 7:2-10; 10:22, 23) Mucikozyanyo, wakaamba njiisyo zidumide zinji alimwi akucita maleele aagambya naakali munsi naa aa Lwizi lwa Galilaya. Amuyeeye kuti wakatontozya maanzi aalwizi oolu aakajisi mayuwe alimwi mane wakeenda aali ngawo. Wakakambauka kali mubwaato kumakamu aakali kunkomwe zyalubwe-lubwe zyalwizi oolo. Basikumutobela bakwe bakusaanguna alimwi ibakaba balongwe bakwe bakali kuzwa kuziinga zyabantu bazubi alimwi abalimi izyakali munsi-munsi.—Mk 3:7-12; 4:35-41; Lk 5:1-11; Joh 6:16-21; 21:1-19.

Nkwaakabelekela milimo yakwe minji mumulimo ngwaakacitila ku Galilaya Jesu, kwakali kunkomwe ya Kapernauma, “kumunzi wabanamuzyaabo.” (Mt 9:1) Wakali kumbali aamulundu ikutali kule akooko naakabandika Mulumbe wakwe uudumide waa Cilundu. Ziindi zimwi, wakali kweenda abwaato kuzwa kucooko ca Kapernauma kuunka ku Magada, Betsaida, naa masena aali munsi-munsi.

Amubone kuti “kumunzi wabanamuzyaabo” Jesu tiikwakali kulamfwu kuzwa ku Nazareta, ooko nkwaakakomenena; kuzwa ku Kana, ooko nkwaakasandula maanzi kuba waini; kuzwa ku Naini, ooko nkwaakabusya mwana mulombe wamukamufwu; alimwi akuzwa ku Betsaida, ooko nkwaakasanina baalumi bali 5,000 munzila yamaleele alimwi nkwaakaponya mwaalumi wakali moofwu.

Nolyakainda Pobwe Lyakwiindilila lyamu 32 C.E., Jesu wakaunka kunyika kugama ku Turo alimwi a Sidoni, iminzi yakulwizi yaku Foinike. Mpoonya mulimo wakwe wakayungizya aminzi iili kkumi mwakali kucitwa zilengwa akubelesyegwa Cigiliki iitegwa Dekapole. Jesu wakali munsi aa Kaisareya-Filipi (F2) eelyo Petro naakamwaamba kuti ngu Mesiya, alimwi ikusanduka kwakwe kwakatobela ndilyonya, ikulangilwa kuti kwakacitikila aa Cilundu ca Herimoni. Kumbele Jesu wakakambauka mucooko ca Pereya, mutala lya Jordano.—Mk 7:24-37; 8:27–9:2; 10:1; Lk 13:22, 33.

Mumvwiki yakwe yamamanino anyika, Jesu wakali abasikwiiya bakwe mu Jerusalemu, “munzi wamwami mupati,” naa mumasena aayengelede munzi ooyu. (Mt 5:35) Mulakonzya kwaajana masena aakeengelede amaapu eeyi ngomwakabala mu Makani Mabotu, mbuli Emau, Betaniya, Betefage alimwi a Betelehemu.—Lk 2:4; 19:29; 24:13; amubone maapu yamukati yakuti “Mpoyakabede Jerusalemu,” apeeji 18.

 [Maapu iili apeeji 29]

(Kutegwa mubone bwini mbwaakkede mabala, amubone bbuku lini)

Nyika Yakasyomezyegwa (Kuciindi Ca Jesu)

Nyika Yakasyomezyegwa Kuciindi Ca Jesu

Minzi ya Dekapole

E5 Hippo(s)

E6 Pella

E6 Skutopoli

F5 Gadara

F5 Gerasa

G5 Dion

G9 Filadelfia

H1 Damasko

H4 Raphana

I5 Canatha

Migwagwa Mipati (Amubone bbuku lini)

Inzila Yakali Kwiindwa Bantu Banji Akati ka Galilaya a Jerusalemu (Amubone bbuku lini)

Inzila Iimbi Akati ka Galilaya a Jerusalemu, Iyiinda ku Pereya (Amubone bbuku lini)

A11 Gaza

B6 Kaisareya

B8 Jopa

B9 Luda

B12 Beereseba

C4 Tolemai

C8 SAMARIYA

C8 Antipatri

C8 Aremateya

C9 Emau

C10 JUDAYA

C11 Hebroni

C12 IDUMIYA

D1 Sidoni

D2 Turo

D3 FOINIKE

D4 GALILAYA

D4 Kana

D5 Sepphoris

D5 Nazareta

D5 Naini

D7 Samariya

D7 Sukari

D9 Efraimu

D9 Betefage

D9 Jerusalemu

D9 Betaniya

D10 Betelehemu

D10 Herodium

D10 INKANDA YAKU JUDAYA

D12 Masada

E4 Korazini

E4 Betsaida

E4 Kapernauma

E4 Magada

E5 Tiberiya

E5 Hippo(s)

E6 Betaniya? (mutala lya Jordano)

E6 Skutopoli

E6 Pella

E6 Salimu

E6 Ainoni

E9 Jeriko

F1 ABILENE

F2 Kaisareya- Filipi

F4 Gamala

F5 Abila?

F5 Gadara

F7 PEREYA

F5 Gerasa

G3 ITUREYA

G5 Dion

G6 DEKAPOLE

G9 Filadelfia

H1 Damasko

H3 TRAKONITI

H4 Raphana

H12 ARABIYA

I5 Canatha

[Malundu]

D7 Cilundu ca Ebala

D7 Cilundu ca Gerizimu

F2 Cilundu ca Herimoni

[Zizyiba zyamaanzi]

B6 Lwizi lwa Mediterranean (Lwizi Lupati)

E4 Lwizi lwa Galilaya

E10 Lwizi Lwamunyo (Lwizi Lutakwe Zilenge Zyuumi)

[Milonga]

Mulonga wa Jordano

[Tusensa twamaanzi alimwi azikala]

Cikala ca Jakobo

[Cifwanikiso icili apeeji 28]

Lwilwa Galilaya. Kapernauma ili kumbele kwini kulumwensyi. Ibusena oobu bulangilwa kuzwa mutala kumusanza lwaambo kwa Cibanda ca Genesarete

[Cifwanikiso icili apeeji 28]

Bana Samariya bakali kukombela a Cilundu ca Gerizimu. Cilundu ca Ebala cili kusyule