Mboyakazingulukidwe Nyika Ya Israyeli
Mboyakazingulukidwe Nyika Ya Israyeli
JEHOVA wakaambila Abrahamu kuti: ‘Kozwa ku Uri mu Mesopotamiya uunke kucisi ncenti kutondezye.’ Icisi eeco cakakkedwe bantu alimwi akuzingulukwa azisi zimbi.—Ma 12:1-3; 15:17-21.
Bantu ba Leza nobakali kuzwa ku Egepita, bakalizyi kuti bakali kulangilwa kukazyigwa abasinkondonyina, mbuli “bapati ba-Moabu.” (Ku 15:14, 15) Bana Amaleki, bana Moabu, bana Amoni alimwi abana Amori bakali kukkala mumasena aakali munzila mobakali kuyooinda bana Israyeli nobakali kuya ku Nyika Yakasyomezyegwa. (My 21:11-13; Dt 2:17-33; 23:3, 4) Alimwi bana Israyeli bakali kuyoojana zisi zimbi zyakali kuyoobalwana kunyika njaakabasyomezyede Leza.
Leza wakaamba kuti bana Israyeli bakeelede ‘kukukula’ “misyobo minji yabantu” iili ciloba, nkokuti ba Hiti, ba Girigasi, ba Amori, ba Kanana, ba Perizi, ba Hivi alimwi aba Jebusi iyakeelede kunyonyoonwa. Bakajisi bukkale busesemya alimwi bukombi bwabo bwakali bubyaabi. Baleza babo bakali kubikkilizya Baala (iwakadumide azilengelezyo zyamabwe zitondezya cinswe camwaalumi), Moleki (aakali kupaizyigwa bana), alimwi aleza mwanakazi wabuzyali Asitaroti (Astarte).—Dt 7:1-4; 12:31; Ku 23:23; Le 18:21-25; 20:2-5; Bb 2:11-14; Int 106:37, 38.
Zimwi ziindi cibaka coonse Leza ncaakali kupa bana Israyeli cakali kwiitwa kuti “Kanana,” kuzwa kubusena buli kunyika kwa Sidoni kusikila “kukalonga ka-Egepita.” (My 13:2, 21; 34:2-12; Ma 10:19) Aziindi zimbi Ibbaibbele lilababandauka bantu baindene-indene, iminzi naa bantu bali munyika eeyo. Ibamwi bakakkede nsini, mbuli ba Filisti ibakali kunkomwe yalwizi alimwi aba Jebusi ibakali kukkala mumalundu akali afwaafwi a Jerusalemu. (My 13:29; Jos 13:3) Mukwiinda kwaciindi, ibamwi bakalongela kumasena aambi naa zyooko.—Ma 34:1, 2; 49:30; Jos 1:4; 11:3; Bb 1:16, 23-26.
Lyaciindi ca Kulonga, ba Amori balangilwa kuti mbebakali musyobo mupati alimwi uulaanguzu kwiinda yoonse. * (Dt 1:19-21; Jos 24:15) Bakaliizundide nyika yabana Moabu kusikila kukalonga ka Arinoni, nokuba kuti ibusena bwamutala kuzwa ku Jeriko bwakacili kwiitwa kuti “magezi aa-Moabu.” Alimwi bami baba Amori bakali kweendelezya Basana alimwi a Gileadi.—My 21:21-23, 33-35; 22:1; 33:46-51.
Nokuba kuti bakali kugwasyigwaa Leza, ibana Israyeli kunyina nobakaimanizya misyobo yoonse yakeelede kunyonyoonwa, yalo mukuya kwaciindi iyakabalebya bana Israyeli. (My 33:55; Jos 23:13; Bb 2:3; 3:5, 6; 2Ba 21:11) Mmasimpe, bana Israyeli bakeenwa nokuba kuti bakacenjezyegwa kuti: “Mutatobeli baleza bambi, baleza babamasi bamuzyungulukide.”—Dt 6:14; 13:7.
Bupanduluzi buyungizidwe
^ munc. 6 Mbubwenya mbuli “Kanana,” izina lyakuti “Amori” lilakonzya kubelesyegwa ikwaamba bantu boonse bamunyika eeyo alimwi lilakonzya kubelesyegwa kwaamba musyobo omwe buyo.—Ma 15:16; 48:22.
[Maapu iili apeeji 11]
(Kutegwa mubone bwini mbwaakkede mabala, amubone bbuku lini)
Izisi Zyakeelede Kutandwa Mu Nyika Yakasyomezyegwa
FILISTIYA (D8)
C8 Asikeloni
C9 Gaza
D8 Asidodi
D8 Gati
D9 Gerari
KANANA (D8)
B10 BA AMALEKI
C12 Hazara-adari (Adari?)
C12 Kadesi (Kadesi-Barinea)
D8 Lakisi
D9 Beereseba
D11 NEGEBI
E4 Doro
E5 Megido
E5 Tanaka
E6 Afeki
E6 BA HIVI
E7 BA JEBUSI
E8 Betisemesi
E8 Hebroni (Kiriyati-ariba)
E9 BA HITI
E9 Debiri
E10 Aradi (waku Kanana)
E10 BA KENI
E11 Akrabimu
F4 BA GIRIGASI
F6 Sekemu
F7 BA PERIZI
F7 Giligala
F7 Jeriko
F8 Jerusalemu
E6 BA HIVI
G2 Dani (Laisi)
G3 Hazori
FOINIKE (F2)
E2 Turo
F1 Sidoni
EDOMU (F12)
F11 SEIRI
G11 Bozira
BA AMORI (SIHONI) (G8)
G6 GILEADI
G7 Sitimu
G7 Hesiboni
G9 Aroeri
ARAMU (H1)
G1 Baala-gadi
G2 BA HIVI
I1 Damasko
MOABU (H10)
BA AMORI (OGI) (I5)
G6 GILEADI
H3 BASANA
H4 Asitaroti
H4 Edrei
AMONI (17)
H7 Raba
[Zimpayuma]
H12 CIMPAYUMA CA ARABIYA
[Malundu]
E4 Cilundu ca Karimeli
E11 Cilundu ca Hori
G1 Cilundu ca Herimoni
G8 Cilundu ca Nebo
[Lwizi]
C6 Lwizi lwa Mediterranean Lwizi lwa Mediterranean
F9 Lwizi Lwamunyo
G4 Lwizi lwa Galilaya
[Mulonga]
B11 M.W. ka Egepita
F6 Mulonga wa Jordano
G6 M.W. wa Jaboki
G9 M.W. ka Arinoni
G11 M.W. ka Zeredi
[Zifwanikiso izili apeeji 10]
Kululyo: Mwami waba Amori Ogi wakeendelezya Basana, ibusena bwakadumide kubaa bapoho alimwi ambelele
Aansi: Moabu, kuzwa mutala lya Lwizi Lwamunyo kusikila kunkanda ya Juda
[Cifwanikiso icili apeeji 11]
Jehova wakalailila bana Israyeli kuti banyonyoone misyobo yabantu bakali kukomba baleza bakubeja mbuli Baala, Moleki alimwi aleza mwanakazi wabuzyali Asitaroti (uutondezyedwe)
