Jehova Utupa Mufutuli

29 Muntu mutaanzi wa muuya Leza ngwaakalenga wakaba mbuli mwana mutaanzi kuli nguwe.

Leza ulamuyanda loko loko nkabela uyobelesya nguwe kukujaya bantu babi akufutula abo baswiilila.—Johane 3:16, 36

30 Jehova wakatuma mwana wakwe kuzoozyalwa anyika. Wakaulikwa kuti Jesu. Banyina izina wakali Mariya.—Luka 1:30-35

31 Elyo Jesu naakakula wakayiisya zintu zinji zibotu. Wakayiisya kuti Jehova alike ngo Leza wakasimpe.—Marko 12:29, 30

Jesu wakateeti tweelede kukomba Jehova alike.—Matayo 4:10; Johane 4:23, 24

Alimwi wakayiisya bantu akaambo ka-bwami bwa-Leza.—Luka 17:20, 21

 32 Jesu wakali kuponya baciswa akucita zintu zinji zibotu. Takacitide zintu zibi.—Incito 10:38; 1 Petro 2:21, 22

Pele mbubuti mbwanga ulatufutula ku cibi a lufu?

33 Wakali kupa cipaizyo kuli Leza cakufutula bantu babotu. Muciindi cakainda, Leza wakabaambila bantu kupaizya banyama akaambo kazibizyabo.—Ba-Hebrayo 7:25, 27

34 Jesu takapaizizye banyama pe. Wakalipa lwakwe mwini kuba cipaizyo cesu.—Matayo 20:28; Ba-Hebrayo 10:12

Sena ulizi kuti nkaambonzi?