Ncinzi Ncoyelede Kucita?

50 Sena ulayanda kupona akutamani muparadaiso eyo iiyebeka?

Eno uiye zinji mbuli Leza nzyaamba. Usole kwiiya kubala Bbaibele.—Johane 17:3; Ciyubunuzyo 1:3

51 Uiye zinji akaambo ka Jesu.—Deutronomo 18:18, 19; Johane 3:16; Incito 3:19-23

52 Usole kunoocita zintu zibotu luzutu akulemeka Jehova.—Ba-Roma 6:17, 18, 22

 53 Noyeeya kuti, Jehova uwamba kuti tatweelede kujaya bantu pe.—Kulonga 20:13; 1 Johane 3:11, 12

54 Tatweelede kutola zintu izyabamwi bantu.—Kulonga 20:15; Ba-Efeso 4:28

55 Mwaalumi taelede kupona na ukoona amwanakazi aati kabali mbanakwe.—Kulonga 20:14, 17; 1 Ba-Tesalonika 4:3

56 Sena wayeeya kuti mbangaye banakwe Leza mbaakamuzumizizye mulumi kuba aabo? Mwaalumi uelede kukala a mwinakwe ciindi cilamfu buti?—Matalikilo 2:22, 24; Matayo 19:5, 6; 1 Ba-Korinto 7:10, 11

 57 Alimwi, koyeeya, kuteeti weelede kukomba Jehova alike.—Matayo 4:10; 1 Ba-Korinto 8:6

58 Imizimo ezikozyano tazikonzya kutugwasya pe. Inoo?—1 Ba-Korinto 8:4

Sena cibotu kuba a zikozyano?—Deutronomo 27:15; 1 Johane 5:21

59 Nkaambonzi ncocili cibi kuba amisa yacoolwe akubelesya mabibo?—Deutronomo 18:10-13; Ciyubunuzyo 21:8

60 Ibangelo babi na imadaimona bakazangila Leza. Balabelesya basibamooba kulubya bantu.—Incito 16:16

 61 Tweelede kukomba kuli Leza. Cikombyo caamba kukanana kuli Leza, kumwaambila kuti tuyanda kumubelekela akumukumbila lugwasyo lwakwe.—Ba-Filipi 4:6, 7

62 Tweelede kuswiilila Jesu akubika lusyomo muli nguwe.—Ba-Hebrayo 5:9; Johane 3:16

63 Koyeeya kuti wakafwida kutufutula.—Ba-Roma 5:8

 64 Koyeeya kuti Jesu ngo mwami wesu uutabonwi. Tweelede kumuswiilila.—Ba-Filipi 2:9-11; Ciyubunuzyo 19:16

 65 Jesu wakati uyelede kwaambila bamwi akaambo kazinthu zibotu nzoiya akuti abalo abo bayanda kubelekela Leza baelede kubbizigwa.—Matayo 28:19, 20; Johane 4:7-15

66 Obo uleelede kukanana kubenzinyoko akaambo kazintu ezi zibotu.—Matayo 10:32

67 Ikuti waiya kubala kabotu, ulakonzya kwiya zintu zinji nkabela ulakonzya kugwasya abamwi cibotu.—2 Timoteo 2:15

 68 Jesu wakali kuyiisya abana baniini kuswiilila Leza. Takwe naakajisi bubi akukakilwa kukanana kulimbabo pe.—Matayo 19:13-15

69 kunoomuyanda.—Deutronomo 6:6, 7; Tusimpi 6:20-22; Ba-Efeso 6:4

70 Kuli zikombelo zyaandeene zinji. Ibunji bwanjiisyo zyabo tazizwi mu Bbaibele. Jehova utwaambila kuti tuzwe mubunaleza obo butayiisyi zyabwini.—Ciyubunuzyo 18:4; Johane 4:23, 24

 71 Jehova ulijisi bantu ano anyika ibakonzya kukuyiisya zinji akaambo kanguwe. Sena ulibezi kuti mbaani?—Incito 15:14; Ba-Roma 10:14, 15

72 Mbaa-kamboni ba-Jehova. Balijisi luumuno akati kabo. Sena ulizi kuti nkaambonzi? Nkaambo balaaluyando kuli umwi aumwi.—Isaya 43:10-12; Johane 13:34, 35

73 Nkaambo balamuyanda Jehova, bakabbizigwa. Obo mbobalitondezya caantangalala kuteeti bakasiya inzila zyabo zibisya buponi bwabo nkabela bayanda kusowa maumi aabo mukubelekela Leza.—Incito 2:41

 74 Bakamboni ba-Jehova balangila kuyoopona muparadaiso iiyebeka ipya.—Intembauzyo 37:9-11, 29

Ino inga ncinzi ncokonzya kuti wacita kutegwe ukapone ambabo oko?—Jakobo 1:22, 25; 2:20-26

75 Livwelanye kulimbabo kuti uiye kubelekela Jehova. Balamuyanda akumuswiilila Jehova a-Kristu Jesu. Mwati ulabayanda? Mwati inga wayanda buya kugwasya bamwi kuti bazyibe Leza?—Johane 6:45-47

 76 Jehova a-Kristu Jesu balakuyanda akukuyanzya kuti ukapone akutamani mu paradaiso.—Johane 3:16

Eno nzowaiya mukulangilila zikozyano amakani oonse aajanwa mukabbuku aka ncobeni akupa kuyandisisya kutangala abuumi butamani anyika. Ikuti wayanda kwiiya azimwi zinji kuli eci, tukuyeeyela kuti uwambe kuli umwi Kamboni wa-Jehova ngomukala limwi. Na, ulembele, nokuba kuti ujane umwi kukulembela, kuma ofesi aalaafwiifwi anduwe nkokala, mbuli mbo kutondezegwa ma-keyala 2 wakabbuku aka.