Skip to content

Skip to table of contents

Amunjile (opens new window)
Amuyandaule a JW.ORG

KUTALISYA MUBANDI

Joh. 4:6-9

CIIYO 1

Kubabikkila Maano Bantu

Kubabikkila Maano Bantu

Njiisyo: “Luyando . . . talubikkili buyo maano kuzintu nzyoluyanda.”—1Kor. 13:4, 5.

Ncaakacita Jesu

VIDIYO: Jesu Amukaintu Amugoti Wamaanzi

1. Amweebelele VIDIYO, naa kubala Johane 4:6-9. Mpoonya mubandike mibuzyo iitobela:

  1.    Ncinzi Jesu ncaakabona kujatikizya mukaintu ooyu katanatalisya mubandi?

  2.   Jesu wakati: “Kondipa maanzi aakunywa.” Nkaambo nzi eeyi ncoyakali nzila iigwasya yakutalisya mubandi?

NCINZI NCOTWIIYA KULI JESU?

2. Tulakonzya kuba amubandi mubotu ikuti twabandika makani aatondezya kuti tulamubikkila maano muntu.

Amumwiiye Jesu

3. Amunyoneke. Mutani kukakatili kutalisya mubandi amakani ngomwalibambilila limwi. Amutalisye mubandi amakani ngobayeeya bantu buzuba oobo. Amulibuzye kuti:

  1.    ‘Ino makani nzi aabandikwa anyuuzi?’

  2.   ‘Ino makani nzi ngobaambaamba basimukoboma, babelesima naa basicikoloma?’

4. Amubikkile maano kubukkale. Amulibuzye kuti:

  1.    ‘Ino ncinzi ncali mukucita muntu ooyo? Ino kulangilwa kuti uyeeya nzi?’

  2.   ‘Ino nsamino yamuntu, mbwalibonya naa ŋanda zindaambila nzi kujatikizya nzyasyoma naa zilengwa nzyatobela?’

  3.   ‘Sena eeci nciindi cibotu cakubandika anguwe?’

5. Kamuswiilila.

  1.    Mutani kuciindizyi kubandika.

  2.   Amumukulwaizye muntu ngomubandika limwi kwaamba mbwalimvwa. Ikuti kaceelela, amumubuzye mibuzyo.

AMUBONE ALIMWI

Mt. 7:12; 1Kor. 9:20-23; Flp. 2:4; Jak. 1:19

AMUBAYANDE BANTU​—AMUBAGWASYE KUBA BASIKWIIYA

Kubabikkila Maano Bantu

Chitonga
Kubabikkila Maano Bantu
https://cms-imgp.jw-cdn.org/img/p/1102023301/univ/art/1102023301_univ_sqr_xl.jpg
lmd ciiyo 1
AMUSALE NZYOMUYANDA KUDAUNILODA
Kubabikkila Maano Bantu
Amusale naa muyanda kudauniloda zyakamwaigwa Amubayande Bantu​—Amubagwasye Kuba Basikwiiya